Tarazda tárbieshi balabaqshada búldirshinniń basyn jaryp tastaǵan, dep habarlaidy Dalanews.kz.
Kadrlarda áiel kók paketpen balanyń basynan urǵany kórinedi. Bala basyn ustap, áielden qashady. Keiingi kadrlarda soqqydan balanyń bas terisi jarylyp ketkeni kórinedi.
Bul jaitqa QR Oqý-aǵartý ministrligi Balalardyń quqyqtaryn qorǵaý komiteti pikir bildirdi.
"Bul derek boiynsha eńbek demalysy kezinde balabaqsha meńgerýshisiniń mindetin ýaqytsha atqarǵan ádisker qyzmetinen bosatyldy. Tárbieshiniń kómekshisi eńbek demalysynan keiin jumystan bosatylady. Tárbieshige qatań sógis jariialandy.
Qyzmettik tekserý nátijesinde balabaqsha basshylyǵyna barlyq jaýapty tulǵalarǵa qatysty tártiptik sharalar qabyldaý jáne balalardyń qaýipsizdigi men quqyqtarynyń saqtalýyn qamtamasyz etý tapsyryldy. Oqiǵa baqylaýda", - dep jazylǵan habarlamada.
Komitet málimetinshe, balanyń jaǵdaiy qalypty. Búgin balabaqshaǵa barǵan.
