تارازدا تاربيەشى بالاباقشادا ءبۇلدىرشىننىڭ باسىن جارىپ تاستاعان، دەپ حابارلايدى Dalanews.kz.

كادرلاردا ايەل كوك پاكەتپەن بالانىڭ باسىنان ۇرعانى كورىنەدى. بالا باسىن ۇستاپ، ايەلدەن قاشادى. كەيىنگى كادرلاردا سوققىدان بالانىڭ باس تەرىسى جارىلىپ كەتكەنى كورىنەدى.

بۇل جايتقا ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى پىكىر ءبىلدىردى.

"بۇل دەرەك بويىنشا ەڭبەك دەمالىسى كەزىندە بالاباقشا مەڭگەرۋشىسىنىڭ مىندەتىن ۋاقىتشا اتقارعان ادىسكەر قىزمەتىنەن بوساتىلدى. تاربيەشىنىڭ كومەكشىسى ەڭبەك دەمالىسىنان كەيىن جۇمىستان بوساتىلادى. تاربيەشىگە قاتاڭ سوگىس جاريالاندى.

قىزمەتتىك تەكسەرۋ ناتيجەسىندە بالاباقشا باسشىلىعىنا بارلىق جاۋاپتى تۇلعالارعا قاتىستى تارتىپتىك شارالار قابىلداۋ جانە بالالاردىڭ قاۋىپسىزدىگى مەن قۇقىقتارىنىڭ ساقتالۋىن قامتاماسىز ەتۋ تاپسىرىلدى. وقيعا باقىلاۋدا"، - دەپ جازىلعان حابارلامادا.

كوميتەت مالىمەتىنشە، بالانىڭ جاعدايى قالىپتى. بۇگىن بالاباقشاعا بارعان.