Aldymen búgin áleýmettik jelide Taraz kósheleriniń birinde júrgizilgen ustaý operatsiiasynyń videosy tarady. Video sipattamasynda oblystyq prokýratýra qyzmetkeri ustalyp jatqany, onyń aqshaǵa kóshi-qon máselesin sheshpek bolǵany týraly jazylǵan. Keshke qarai Bas prokýratýra osy oqiǵaǵa qatysty aqparat taratty, dep habarlaidy Dalanews.kz.
"2023 jylǵy 23 qarashada Bas prokýratýranyń Ishki qaýipsizdik departamenti men Jambyl oblysynyń prokýratýrasy, Jambyl oblysy boiynsha UKK qyzmetkerleriniń qatysýymen júrgizilgen jedel sharalar nátijesinde prokýratýra qyzmetkeri alaiaqtyq kúdigimen ustaldy. Sotqa deiingi tergep tekserý Bas prokýratýranyń arnaiy prokýrorymen júrgizilýde", delingen QR Bas prokýratýrasy baspasóz habarlamasynda.
Tergeý múddesinde sai basqa aqparat jariia etýge jatpaidy.
Aita ketsek, buǵan deiin Petropavlda uiymdasqan qylmystyq toptarǵa qamqorlyq jasady degen kúdikpen oblystyq politsiia departamentiniń Uiymdasqan qylmyspen kúres basqarmasy basshysynyń burynǵy orynbasary ustalǵany belgili boldy.
