الدىمەن بۇگىن الەۋمەتتىك جەلىدە تاراز كوشەلەرىنىڭ بىرىندە جۇرگىزىلگەن ۇستاۋ وپەراسياسىنىڭ ۆيدەوسى تارادى. ۆيدەو سيپاتتاماسىندا وبلىستىق پروكۋراتۋرا قىزمەتكەرى ۇستالىپ جاتقانى، ونىڭ اقشاعا كوشى-قون ماسەلەسىن شەشپەك بولعانى تۋرالى جازىلعان. كەشكە قاراي باس پروكۋراتۋرا وسى وقيعاعا قاتىستى اقپارات تاراتتى، دەپ حابارلايدى Dalanews.kz.
"2023 جىلعى 23 قاراشادا باس پروكۋراتۋرانىڭ ىشكى قاۋىپسىزدىك دەپارتامەنتى مەن جامبىل وبلىسىنىڭ پروكۋراتۋراسى، جامبىل وبلىسى بويىنشا ۇكك قىزمەتكەرلەرىنىڭ قاتىسۋىمەن جۇرگىزىلگەن جەدەل شارالار ناتيجەسىندە پروكۋراتۋرا قىزمەتكەرى الاياقتىق كۇدىگىمەن ۇستالدى. سوتقا دەيىنگى تەرگەپ تەكسەرۋ باس پروكۋراتۋرانىڭ ارنايى پروكۋرورىمەن جۇرگىزىلۋدە"، دەلىنگەن ق ر باس پروكۋراتۋراسى باسپا ءسوز حابارلاماسىندا.
تەرگەۋ مۇددەسىندە ساي باسقا اقپارات جاريا ەتۋگە جاتپايدى.
ايتا كەتسەك، بۇعان دەيىن پەتروپاۆلدا ۇيىمداسقان قىلمىستىق توپتارعا قامقورلىق جاسادى دەگەن كۇدىكپەن وبلىستىق پوليسيا دەپارتامەنتىنىڭ ۇيىمداسقان قىلمىسپەن كۇرەس باسقارماسى باسشىسىنىڭ بۇرىنعى ورىنباسارى ۇستالعانى بەلگىلى بولدى.
