Taraz qalasynda qoǵamdyq kólik júrgizýshisine qol jumsaǵan keleńsiz oqiǵa oryn aldy. Áleýmettik jelilerde 54 jastaǵy avtobýs júrgizýshisin jolaýshylardyń biri aiaýsyz soqqyǵa jyqqan sát beinelengen video tarady, dep habarlaidy Dalanews.kz.
Aldyn ala málimetterge sáikes, kúdikti avtobýsqa minip úlgermei, kóliktiń esigin bar kúshimen aiaqpen tepken. Osydan keiin júrgizýshi kólikti toqtatyp, oryn alǵan tártipsizdik týraly quqyq qorǵaý organdaryna habarlaspaq bolǵan. Alaida tártip buzýshynyń jas jigit ekenin kórip, jaǵdaidy ýshyqtyrmaýdy jón kórgen. Ol tek eskertý jasap, jigitti bosatyp jibergen.
Soǵan qaramastan, jas jigit júrgizýshige judyryq ala júgirip, soqqyǵa jyqqan, sondai-aq aiaǵynan teýip, aýyr dene jaraqatyn salǵan. Oqiǵaǵa kýá bolǵan jolaýshylar kóp uzamai arasha túsip, tóbelesti toqtatqan.
Zardap shekken 54 jastaǵy azamat jedel túrde aýrýhanaǵa jetkizilip, aiaǵyna shuǵyl ota jasaldy. Qazirgi tańda ol dárigerlerdiń baqylaýynda.
Kúdiktiniń ata-anasy júrgizýshiden keshirim surap kelgenimen, zardap shegýshi tarap buzaqynyń ústinen qylmystyq is qozǵap, sotqa júginetinin málimdedi.
