تاراز قالاسىندا قوعامدىق كٶلٸك جٷرگٸزۋشٸسٸنە قول جۇمساعان كەلەڭسٸز وقيعا ورىن الدى. ەلەۋمەتتٸك جەلٸلەردە 54 جاستاعى اۆتوبۋس جٷرگٸزۋشٸسٸن جولاۋشىلاردىڭ بٸرٸ اياۋسىز سوققىعا جىققان سەت بەينەلەنگەن ۆيدەو تارادى, دەپ حابارلايدى Dalanews.kz.
الدىن الا مەلٸمەتتەرگە سەيكەس, كٷدٸكتٸ اۆتوبۋسقا مٸنٸپ ٷلگەرمەي, كٶلٸكتٸڭ ەسٸگٸن بار كٷشٸمەن اياقپەن تەپكەن. وسىدان كەيٸن جٷرگٸزۋشٸ كٶلٸكتٸ توقتاتىپ, ورىن العان تەرتٸپسٸزدٸك تۋرالى قۇقىق قورعاۋ ورگاندارىنا حابارلاسپاق بولعان. الايدا تەرتٸپ بۇزۋشىنىڭ جاس جٸگٸت ەكەنٸن كٶرٸپ, جاعدايدى ۋشىقتىرماۋدى جٶن كٶرگەن. ول تەك ەسكەرتۋ جاساپ, جٸگٸتتٸ بوساتىپ جٸبەرگەن.
سوعان قاراماستان, جاس جٸگٸت جٷرگٸزۋشٸگە جۇدىرىق الا جٷگٸرٸپ, سوققىعا جىققان, سونداي-اق اياعىنان تەۋٸپ, اۋىر دەنە جاراقاتىن سالعان. وقيعاعا كۋە بولعان جولاۋشىلار كٶپ ۇزاماي اراشا تٷسٸپ, تٶبەلەستٸ توقتاتقان.
زارداپ شەككەن 54 جاستاعى ازامات جەدەل تٷردە اۋرۋحاناعا جەتكٸزٸلٸپ, اياعىنا شۇعىل وتا جاسالدى. قازٸرگٸ تاڭدا ول دەرٸگەرلەردٸڭ باقىلاۋىندا.
كٷدٸكتٸنٸڭ اتا-اناسى جٷرگٸزۋشٸدەن كەشٸرٸم سۇراپ كەلگەنٸمەن, زارداپ شەگۋشٸ تاراپ بۇزاقىنىڭ ٷستٸنەن قىلمىستىق ٸس قوزعاپ, سوتقا جٷگٸنەتٸنٸن مەلٸمدەدٸ.
