Tarazda Jańa jyl túni iri órt boldy, dep habarlaidy Dalanews.kz.
TJD málimetinshe, Jambyl dańǵyly boiyndaǵy eki qabatty meiramhanaǵa japsarlas salynǵan jazdyq alańqai órtengen.
"Oqiǵa ornyna jedel jetken Jambyl oblysynyń TJD kúshteri meiramhanadan shamamen 100 adamdy evakýatsiialady. Jedel qabyldanǵan sharalar nátijesinde órttiń meiramhananyń negizgi ǵimaratyna jáne janynda ornalasqan janarmai quiý beketine taralýyna jol berilgen joq", - dedi qutqarýshylar.
Órt 300 sharshy metr alańda sóndirildi. Zardap shekkender joq. Órttiń sebebi anyqtalyp jatyr.
