Q.Rysqulbekov atyndaǵy, saıabaqta ashylǵan kelesi bir nysan – «Ǵıbrat» ortalyǵy. Aýmaǵy 240 sharshy metrdi quraıtyn ortalyqta saıabaqqa demalýǵa kelgen qala turǵyndary men qonaqtaryna ulttyq dástúrmen qyzmet kórsetetin,  aqsaqaldar  keńesteri ótkizetin oryn bolmaq. Ǵıbrat sózi kóne túrki tilinde úlgi-ónegelik,  tálim-tárbıelik degen maǵyna beredi.

«Ǵıbrat» ortalyǵyn ashý úshin oblystyq ardagerler keńeńsiniń tóraǵasy Erkinbek Soltybaev pen QR Senatynyń eks-depýtaty Aleksandr Savchenko Ǵıbrat ortalyǵynyń  Ardagerler úıimen qatarlasa ornalasýynyń ózindik máni bar ekenin atap ótti.

Sonan soń ortalyq ishin aralap kórgen qonaqtarǵa oblys ákiminiń orynbasary Erkebulan Daýylbaev jańadan boı kóteretin 15-shi yqsham aýdannyń jáne «Shahrıstan» bazarynyń ornyna salynatyn tarıhı-mádenı keshenniń jáne «Tekturmas» kesenesi ornalasqan aýmaqtyń josparyn tanystyrdy.

Esterińizge sala keteıik, atalmysh eskertkishten bólek búgin qala kóleminde Jambyl aqynnyń eskertkishi, oblys ákimdiginiń ǵımaraty mańynda jáne ortalyq «Dostyq» alańynda túrli-tústi sazdy áýen yrǵaǵymen oınaıtyn tórt sýburqaq, «Temir jol vokzaly aleıasy», Qaırat Rysqulbekov sabaǵy men batyrdyń eskertkishi, «Jeltoqsan,86» ortalyǵy paıdalanýǵa berildi.

Jeńis saıabaǵynda ornalasqan «Tyl eńbekkerlerine», «Aýǵan soǵysynyń ardagerlerine», «Chernobl apatyna qatysýshylarǵa» arnalǵan eskertkishter ashylady.

Sondaı-aq búgin qalamyzda «Jeltoqsan tolqyny» ataýymen elimizdegi eń uzyn ári maǵynasy zor sýburqaq, Jeltoqsan oqıǵasyna  qatysýshylarǵa arnalǵan, «Ǵıbrat»  ortalyǵy ashylmaq.

Sonymen qatar, tarazdyqtar «Úshbulaq»  jaǵalaýyndaǵy demalys aýmaǵynyń ashylýyn tamashalaıdy.

 

08 INFO