Taraz qalasynda №17 baǵyttaǵy avtobýstyń júrgizýshisi mas kúiinde kólik basqarǵany úshin jazaǵa tartyldy, dep habarlaidy Dalanews.kz.
Bul derek "Qaýipsiz jol" jedel-aldyn alý sharasy kezinde anyqtalǵan. Kúdik týdyrǵan avtobýsty toqtatqan politseiler júrgizýshini tekseristen ótkizgen. Meditsinalyq saraptama qorytyndysy 55 jastaǵy er adamnyń alkogoldik mas kúiinde bolǵanyn rastady.
QR Ákimshilik quqyqbuzýshylyq týraly kodeksiniń 608-baby 1-bóligine sáikes, júrgizýshige ákimshilik hattama toltyryldy. Sot sheshimimen ol 15 táýlikke qamaýǵa alynyp, 7 jylǵa júrgizýshi kýáliginen aiyryldy.
"Mas kúiinde kólik júrgizý – joldaǵy qaýipsizdikke tikelei qaýip tóndiredi jáne zań boiynsha qatań jazalanady", – dep atap ótti politsiia ókilderi.
Eske salaiyq, buǵan deiin politseiler júrgizýshilerdiń masańdyǵyn tekserýdiń jańa erejelerin túsindirgen edi.
16 qyrkúiekten bastap júrgizýshilerdiń masańdyǵyn tekserýdiń erejeleri jańartyldy.
Bul erejeler Ákimshilik quqyqbuzýshylyq kodeksiniń 796-baby boiynsha júrgiziletin ákimshilik óndiris aiasynda ǵana qoldanylady. Bul normada basqarý quqyǵynan ýaqytsha aiyrý jáne mas kúidegi júrgizýshilerdi tekserý kózdeledi.
"Jańartylǵan erejeler tek kólik júrgizetinderge qatysty. Jaiaý júrginshiler men basqalarǵa qatysty jańa talaptar engizilgen joq. Sondai-aq, rásimniń ózi burynǵy qalpynda qalyp otyr, túpkilikti ózgeris joq. Bir ǵana jańalyq - bekitilgen nysannyń túri. Buryn erejeler Úkimet qaýlysymen bekitilgen bolsa, endi olar IIM buiryǵy arqyly bekitiledi", - dedi IIM ókili.
Sonymen qatar, júrgizýshi arnaiy quraldarmen, máselen alkotestermen masańdyq dárejesin tekserýden bas tartýǵa nemese meditsinalyq uiymda tekseristi jalǵastyrýǵa quqyly.
"Masańdyqqa tekserýden jaltarý nemese bas tartý QR ÁQBtK-niń 613-baby 4-bóliginde kózdelgen ákimshilik is júrgizýdi qozǵaý úshin negiz bolady", - dedi IIM ókili.
