Taraz qalasyndaǵy №2 sot bopsalaý deregi boiynsha qylmystyq iske núkte qoidy. Aiyptalýshy - bloger Abai (Sokrat) Júndibaev, sondai-aq Kenesariev pen Ahmetjanov. Úsheýin de byltyr sybailas jemqorlyqqa qarsy qyzmet ókilderi aqsha alý kezinde ustaǵan, dep habarlaidy Dalanews.kz.
Sot aiyptalýshylar “Taraz-Arena” sport kesheniniń basshysy Janat Babaevtan 2,5 mln teńge talap etkenin anyqtaǵan. Bul qarjy bloger Júndibaevtyń Facebook áleýmettik jelisindegi paraqshasynda jariialanǵan jazbalardy óshirý úshin suralǵan. Ol jazbalarda sport kesheniniń jumysyna qatysty syn aitylyp, ǵimarattaǵy kemshilikter kórsetilgen.
Aqshadan bólek, aiyptalýshylar kadrlyq talaptar da qoiǵan. Atap aitqanda, A. esimdi áieldi burynǵy jumysyna qaita alý jáne komplaens-qyzmetiniń qyzmetkeri G.-ny jumystan bosatý shartyn alǵa tartqan. Jábirlenýshi bul talaptarǵa kelisip, Kenesarievke 2,5 mln teńge men eki jyldyq abonement tapsyrǵan.
Sot barysynda memlekettik aiyptaýshy aiyptalýshylarǵa 4 jyl 6 ai merzimge bas bostandyǵynan aiyrý jazasyn taǵaiyndaýdy surady. Júndibaev pen Kenesariev kinálaryn moiyndamai, tolyq aqtaýdy talap etti. Al Ahmetjanov kinásin tolyq moiyndap, bas bostandyǵynan aiyrmaityn jaza taǵaiyndaýdy ótindi.
Aiyp taǵylǵan baptyń sanktsiiasy 3 jyldan 7 jylǵa deiin bas bostandyǵyn shekteý nemese aiyrý jáne múlikti tárkileýdi kózdeidi. Sot jeńildetetin mán-jai retinde Júndibaev pen Kenesarievtiń buryn sottalmaǵanyn jáne kámeletke tolmaǵan balalary baryn, sondai-aq Ahmetjanovtyń kinásin tolyq moiyndaǵanyn eskerdi. Aýyrlatatyn mán-jailar anyqtalǵan joq.
Sot úkimimen úsh aiyptalýshy da kináli dep tanyldy. Abai Júndibaev 3 jylǵa bas bostandyǵynan aiyryldy. Al Ahmetjanov pen Kenesarievke 3 jyl merzimge bas bostandyǵyn shekteý jazasy taǵaiyndaldy.
Úkim zańdy kúshine engen joq.
