تاراز قالاسىنداعى №2 سوت بوپسالاۋ دەرەگٸ بويىنشا قىلمىستىق ٸسكە نٷكتە قويدى. ايىپتالۋشى - بلوگەر اباي (سوكرات) جٷندٸباەۆ, سونداي-اق كەنەساريەۆ پەن احمەتجانوۆ. ٷشەۋٸن دە بىلتىر سىبايلاس جەمقورلىققا قارسى قىزمەت ٶكٸلدەرٸ اقشا الۋ كەزٸندە ۇستاعان, دەپ حابارلايدى Dalanews.kz.
سوت ايىپتالۋشىلار “تاراز-ارەنا” سپورت كەشەنٸنٸڭ باسشىسى جانات باباەۆتان 2,5 ملن تەڭگە تالاپ ەتكەنٸن انىقتاعان. بۇل قارجى بلوگەر جٷندٸباەۆتىڭ Facebook ەلەۋمەتتٸك جەلٸسٸندەگٸ پاراقشاسىندا جارييالانعان جازبالاردى ٶشٸرۋ ٷشٸن سۇرالعان. ول جازبالاردا سپورت كەشەنٸنٸڭ جۇمىسىنا قاتىستى سىن ايتىلىپ, عيماراتتاعى كەمشٸلٸكتەر كٶرسەتٸلگەن.
اقشادان بٶلەك, ايىپتالۋشىلار كادرلىق تالاپتار دا قويعان. اتاپ ايتقاندا, ا. ەسٸمدٸ ەيەلدٸ بۇرىنعى جۇمىسىنا قايتا الۋ جەنە كومپلاەنس-قىزمەتٸنٸڭ قىزمەتكەرٸ گ.-نى جۇمىستان بوساتۋ شارتىن العا تارتقان. جەبٸرلەنۋشٸ بۇل تالاپتارعا كەلٸسٸپ, كەنەساريەۆكە 2,5 ملن تەڭگە مەن ەكٸ جىلدىق ابونەمەنت تاپسىرعان.
سوت بارىسىندا مەملەكەتتٸك ايىپتاۋشى ايىپتالۋشىلارعا 4 جىل 6 اي مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى. جٷندٸباەۆ پەن كەنەساريەۆ كٸنەلارىن مويىنداماي, تولىق اقتاۋدى تالاپ ەتتٸ. ال احمەتجانوۆ كٸنەسٸن تولىق مويىنداپ, باس بوستاندىعىنان ايىرمايتىن جازا تاعايىنداۋدى ٶتٸندٸ.
ايىپ تاعىلعان باپتىڭ سانكتسيياسى 3 جىلدان 7 جىلعا دەيٸن باس بوستاندىعىن شەكتەۋ نەمەسە ايىرۋ جەنە مٷلٸكتٸ تەركٸلەۋدٸ كٶزدەيدٸ. سوت جەڭٸلدەتەتٸن مەن-جاي رەتٸندە جٷندٸباەۆ پەن كەنەساريەۆتٸڭ بۇرىن سوتتالماعانىن جەنە كەمەلەتكە تولماعان بالالارى بارىن, سونداي-اق احمەتجانوۆتىڭ كٸنەسٸن تولىق مويىنداعانىن ەسكەردٸ. اۋىرلاتاتىن مەن-جايلار انىقتالعان جوق.
سوت ٷكٸمٸمەن ٷش ايىپتالۋشى دا كٸنەلٸ دەپ تانىلدى. اباي جٷندٸباەۆ 3 جىلعا باس بوستاندىعىنان ايىرىلدى. ال احمەتجانوۆ پەن كەنەساريەۆكە 3 جىل مەرزٸمگە باس بوستاندىعىن شەكتەۋ جازاسى تاعايىندالدى.
ٷكٸم زاڭدى كٷشٸنە ەنگەن جوق.
