Tarazda 130 azamatty aldap soqqan degen kúdikpen bes aiyptalýshy segiz jyldan eki jylǵa deiin bas bostandyǵynan aiyryldy, dep habarlaidy Dalanews.kz.
Sotta jaýapker T.-nyń sybailastary D., I., K. jáne I.-men birigip, senimsiz adamdarǵa onlain saýda nesiesin rásimdep, taýardy qolma-qol aqshaǵa ainaldyrý arqyly bótenniń múlkin iemdengeni anyqtaldy.
Alaiaqtardyń ailasyna 130 adam aldanǵan, keltirilgen materialdyq shyǵyn 246 million teńgeden asady.
Sotta sottalýshy T. óz kinásin tolyq moiyndady, al qalǵan sottalýshylar óz kinásin ishinara moiyndady.
Nátijesinde sot T.-ny segiz jylǵa, D., K. jáne I.-ny árqaisysy alty jylǵa, I.-ny eki jylǵa bas bostandyǵynan aiyrý týraly úkim shyǵardy. Sotta aiyptalýshylardyń jábirlenýshilerge ótemaqy ishinara tólengeni aityldy. Úkim zańdy kúshine engen joq.
