تارازدا 130 ادامدى الداعان الاياقتارعا ۇكىم شىقتى

قاراكوز امانتاي 27 ءساۋ. 2024 10:08 2951

تارازدا 130 ازاماتتى الداپ سوققان دەگەن كۇدىكپەن بەس ايىپتالۋشى سەگىز جىلدان ەكى جىلعا دەيىن باس بوستاندىعىنان ايىرىلدى، دەپ حابارلايدى Dalanews.kz.

سوتتا جاۋاپكەر ت.-نىڭ سىبايلاستارى د.، ي.، ك. جانە ي.-مەن بىرىگىپ، سەنىمسىز ادامدارعا ونلاين ساۋدا نەسيەسىن راسىمدەپ، تاۋاردى قولما-قول اقشاعا اينالدىرۋ ارقىلى بوتەننىڭ مۇلكىن يەمدەنگەنى انىقتالدى.

الاياقتاردىڭ ايلاسىنا 130 ادام الدانعان، كەلتىرىلگەن ماتەريالدىق شىعىن 246 ميلليون تەڭگەدەن اسادى.

سوتتا سوتتالۋشى ت. ءوز كىناسىن تولىق مويىندادى، ال قالعان سوتتالۋشىلار ءوز كىناسىن ءىشىنارا مويىندادى.

ناتيجەسىندە سوت ت.-نى سەگىز جىلعا، د.، ك. جانە ي.-نى ءارقايسىسى التى جىلعا، ي.-نى ەكى جىلعا باس بوستاندىعىنان ايىرۋ تۋرالى ۇكىم شىعاردى. سوتتا ايىپتالۋشىلاردىڭ جابىرلەنۋشىلەرگە وتەماقى ءىشىنارا تولەنگەنى ايتىلدى. ۇكىم زاڭدى كۇشىنە ەنگەن جوق.


ۇسىنىلعان
سوڭعى جاڭالىقتار