Taraz qalasynyń turǵyny avtokóligine qulaǵan aǵash úshin ákimdikten 550 myń teńge óndirip aldy, dep habarlaıdy Dalanews.kz.
Aǵash qulaǵanda úsh kólikke zaqym kelgen. Alaıda eki kólik ıesi shaǵymdanýdan bas tartqan – olardyń kólikteri aıtarlyqtaı búlinbegen. Al úshinshi júrgizýshi TÚKSH bólimine qarsy talap aryz bergen.
«Kólik ıesiniń shaǵymyna jaýap retinde jaýapker búdjetten zalaldy óteýge qarjy qarastyrylmaǵanyn málimdegen. Alaıda sot jol jıeginde turǵan aǵashqa jaýapty komýnaldyq mekeme ekenin anyqtady», – delingen habarlamada.
Sot talap aryzdy tolyq qanaǵattandyrdy. Ákimdikten materıaldyq shyǵyn men sot shyǵyndaryn óteý retinde barlyǵy 550 myń teńge óndirip alyndy.
Sot sheshimi zańdy kúshine endi.
