Taraz qalasy prokýratýrasy kommýnaldyq salaǵa bólingen biýdjet qarajatynyń urlanǵandardy áshkere qylyp, otqa jetkizdi, – dep habarlaidy Dalanews.kz.
Qalalyq prokýratýranyń baspasóz qyzmetiniń habarlaýynsha, Taraz qalasy ákimdiginiń qarasty Turǵyn úi-kommýnaldyq sharýashylyq bóliminiń basshysy Ziiat Tursynuly men «AlmatyMontajStroi» JShS direktorynyń orynbasary Elnar Shleev jol jóndeýge bólingen 34,2 million teńgeni qaltaǵa basqan.
«Atalǵan fakti boiynsha Taraz qalasynyń prokýratýrasy Qylmystyq kodekstiń 189-babynyń 4-bóliginiń 2-tarmaǵy (urlyq) boiynsha qylmystyq is qozǵap, onyń tergeýin oblystyq prokýratýra júrgizýde. Sotqa deiingi tergep-tekserý barysynda memleketke keltirilgen zalal tolyq kólemde óteldi», – dep habarlaidy prokýratýranyń baspasóz qyzmeti.
Belgili bolǵandai, Taraz qalasynyń №2 soty eki tulǵany da QR Qylmystyq kodeksiniń 189-baby 4-bóligi 2-tarmaǵymen aiypty dep taýyp, 8 jylǵa bas bostandyǵynan aiyrdy.
