Ekibastuz qalasyna jumys saparymen barǵan memleket basshysy monoqalalardy damytý jónindegi keńeste azyq-túlik baǵasyna toqtaldy.
Prezidenttiń aitýynsha, biyl áleýmettik mańyzy bar azyq-túlik baǵasy 10,4%-ke ósken. 9 aidyń qorytyndysy boiynsha infliatsiianyń jalpy ósimi 8,9%-ti qurady.
"... Meniń tapsyrmammen deldaldyq shemalardy tergeý boiynsha óńirlik komissiialar quryldy. Alaida nátijeni prezident te, azamattar da kórip turǵan joq. Prezident ákimshiligi mán-jaidy anyqtap, bir apta ishinde esep berýge tiis", - dedi Toqaev.
Ol azyq-túlik baǵasynyń qysymymen infliatsiia 6%-ten asyp ketkeni aiqyn ekenin aitty. Prezident úkimet pen Ulttyq bankke infliatsiiany 8,5% sheginde saqtaýdy tapsyrdy.
Budan bólek Prezident Sybailas jemqorlyqqa qarsy qyzmetke aýyl sharýashylyǵyn sýbsidiialaýǵa bólingen qarajattyń jumsalýyna saraptama jasaýdy buiyrdy.
"Aýyl sharýashylyǵyn sýbsidiialaý jaiynda. Sońǵy 5 jylda bul maqsatqa 2 trln teńgeden astam qarajat bólindi. Nátijesinde ne boldy? Biýdjet qarajaty jumsalady, onyń jumsalýyna biryńǵai baqylaý joq. Aitarlyqtai ekonomikalyq tiimdiligi de joq", - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jinalysta.
Prezident jemqorlyqqa qarsy qyzmetke bul salaǵa saraptama júrgizýdi tapsyrǵan.
"Sybailas jemqorlyqqa qarsy qyzmetke prokýratýramen jáne basqa da organdarmen birge bul salaǵa keshendi saraptama jasaýdy tapsyrdym. Oǵan qoǵamdy jáne agrariilerdiń ózderin de tartý kerek", - dedi memleket basshysy.
