Jarty jyldan asa ýaqyt buryn almatylyq Vladimir Pakalin jantúrshigerlik jol apatynan keiin arbaǵa tańylyp qalǵan. Jol apatyna kináli degen Altyn Bank-tiń basqarýshy direktory Dinara Arslan áli jaýapqa tartylmaǵan. Al jábirlenýshiniń otbasy áli kúnge deiin ótemaqy óndire almai júr eken, - dep habarlaidy Dalanews.kz Orda.kz-ke siltep.
60 jastaǵy Vladimir Pakalin jol apatynan keiin múgedek bolyp qalǵan. Ómirin 180 gradýsqa ózgertken jol apaty jazda bolǵan. 18 shildede Vladimir velojolaqpen samokatpen kele jatqan. Oqiǵa qaladaǵy Shevchenko jáne Manas kósheleriniń qiylysynda bolǵan.
Onyń sózinshe, Porsche Macan S avtokóligi qaǵyp, oqiǵa ornynan qashyp ketken. Túrli dene jaraqatyn alǵan ol aýrýhanaǵa jetkizilgen. Birneshe operatsiia jasaýǵa týra kelgen. Osy ýaqytqa deiin birneshe protsedýradan ótýine týra kelgen. Artynsha ony qaqqan tanymal qarjy blogeri Dinara Arslan ekeni anyqtalǵan.
Jol apatynan keiin Almaty aýdandyń politsiia basqarmasy sotqa deiingi tergeýdi bastaǵan. Zardap shekken Vladimir Pakalinniń sózinshe, jol apatyna kináli áieldiń kóligi arnaiy aiyppul turaǵyna da aparylmaǵan eken.
Instagram-da 236 myńnan asa oqyrmany bar Dinara Arslan bul derekke qatysty paraqshasynda pikir bildirmegen. Degenmen oqyrmandary onyń paraqshasyna "shabýyl" jasap, jol apaty týraly suraqtar jaýdyra bastaǵan.
