QMA Almaty oblysy boiynsha departamenti «Amanat Drive» ataýymen qarjy piramidasynyń qyzmetin áshkereledi, dep habarlaidy Dalanews.kz.
Qarjy piramidanyń uiymdastyrýshylary azamattarǵa paiyzsyz bólip tóleý arqyly jyljymaityn múlik pen avtokólik satyp alýdy usynǵan.
Alaida bul mindettemeler tolyq oryndalmaǵan, al múlik týystary men jaqyndaryna berilgen.
Nátijesinde qarjy piramidasy 8 myńnan astam salymshyny tartqan, olardyń jalpy salǵan qarajaty 21 mlrd teńgeden asqan.
Qylmystyq jolmen alynǵan kiristerdi zańdastyrý maqsatynda, qarjy piramidanyń uiymdastyrýshysy birneshe deńgeili zańsyz shema jasaǵan. Ol óz baqylaýyndaǵy zańdy tulǵalardy — «Allo, ne kerek», «i-m@rketing», «Gold SapaPremium» JShS — paidalanǵan.
Atalǵan kompaniialar jalǵan jetkizýshiler retinde kórsetilip, jarnama qyzmetteri, jyljymaityn múlik pen kólik naryǵyna taldaý men boljaý júrgizý sekildi qyzmetterdi oryndaǵan bolyp kóringen. Osy jalǵan sharttar negizinde 1,8 mlrd teńgeden astam qarajat qolma-qol aqshaǵa ainaldyrylyp, syrtqa shyǵarylǵan.
Qylmystyq kirister esebinen jeke turǵyn úiler, astanada páterler, sondai-aq HUMMER H2 jáne Lexus LX570 markaly qymbat avtokólikter satyp alynǵan. Bul múlikter múmkin bolatyn tárkileýden jasyryný maqsatynda senimdi adamdardyń atyna rásimdelgen.
Sot sanktsiiasymen atalǵan múlikke jáne tutyný kooperativiniń shottaryna tyiym salyndy.
Qarjy piramidanyń bas uiymdastyrýshysy qamaýǵa alyndy.
Tergeý amaldary jalǵasýda.
QR Qylmystyq is júrgizý kodeksiniń 201-babyna sáikes ózge aqparat jariia etýge jatpaidy.
