Otbasyndaǵy qýanyshtarmen birge ol «Ádemi-ai» kompaniiasyna 20 jyl tolǵanyn atap, onyń basty tabystaryna toqtaldy.
"Aitýly merekemen qatar ulttyq qundylyqtarymyz ben salt-dástúrimizdi nasihattap kele jatqan Ádemi-ai kompaniiasyna – 20 jyl toldy. Kompaniiamyzdyń halyqqa usynar kádesyilary jańa tartymdy toptamalarmen tolyqty. Nur-Sultan jáne Almaty qalalarynda osy jańa toptamalardyń tusaýyn kesý saltanatyn ótkizdik. Taraz qalasynda kompaniiamyzdyń filialy ashyldy", – dedi Bahargúl Tólegenqyzy.
Sonymen qatar, kásipkerdiń aitýynsha jalpy oqyrmanǵa arnalǵan motivatsiialyq esse retinde jazylǵan «Qazaq qyzymyn» atty eńbegi jaryqqa shyqty. Ol jerde avtor qazaqtyń salt-dástúrin nasihattaý maqsatynda aýqymdy suhbattar bergen eken.
Jazbaǵa sensek Bahargúl Tólegenqyzynyń eńbegi memleket tarapynan elenip, ol Táýelsizdik qarsańynda Memleket basshysy Qasym-Jomart Toqaevtyń Jarlyǵymen Qazaqstan Respýblikasynyń «Eńbek sińirgen qairatkeri» qurmetti ataǵyna ie bolǵan.
Óz sózinde posttyń avtory qoldaý kórsetip kele jatqan "Nur Otan" partiiasyna alǵysyn bildirip, osy partiia qataryna qosylatynyn málimdedi.
«Atalǵan is-sharalarda jáne salt-dástúrimizdi keńinen nasihattaýǵa qoldaý kórsetip kele jatqan Nur Otan partiiasyna úlken alǵysymdy bildiremin. Al ózderińiz biletindei, men buǵan deiin «Aýyl» partiiasynyń múshesi boldym. Alaida halyqty bereke men birlikke bastaǵan bileýshi partiianyń ár azamatqa berer múmkinshiligi mol ekenine, naqty isterine kóz jetkizdim. Sondyqtan da "Nur Otan" partiiasyna múshe bolamyn dep sheshim qabyldadym.
Aldaǵy ýaqytta Nur Otanmen birge ulttyq qundylyqtarymyzdy ulyqtaýǵa arnalǵan mádeni is-sharalarda belsendilik tanytyp, jemisti eńbek atqaratynymyzǵa senimim mol», – dedi "Ádemi-ai" kompaniiasynyń prezidenti.
Sóz sońynda Bahargúl Tólegenqyzy kópti el múddesi men jarqyn bolashaq úshin qyzmet etip, ulttyq qundylyqtarymyzdy ulyqtap, álemge qazaqty azattyq súigish, rýhy biik, namysy berik halyq retinde tanytýǵa shaqyrdy.
