وتباسىنداعى قۋانىشتارمەن بىرگە ول «ادەمى-اي» كومپانياسىنا 20 جىل تولعانىن اتاپ، ونىڭ باستى تابىستارىنا توقتالدى.
"ايتۋلى مەرەكەمەن قاتار ۇلتتىق قۇندىلىقتارىمىز بەن ءسالت-داستۇرىمىزدى ناسيحاتتاپ كەلە جاتقان ادەمى-اي كومپانياسىنا – 20 جىل تولدى. كومپانيامىزدىڭ حالىققا ۇسىنار كادەسىيلارى جاڭا تارتىمدى توپتامالارمەن تولىقتى. نۇر-سۇلتان جانە الماتى قالالارىندا وسى جاڭا توپتامالاردىڭ تۇساۋىن كەسۋ سالتاناتىن وتكىزدىك. تاراز قالاسىندا كومپانيامىزدىڭ فيليالى اشىلدى"، – دەدى باحارگۇل تولەگەن قىزى.
سونىمەن قاتار، كاسىپكەردىڭ ايتۋىنشا جالپى وقىرمانعا ارنالعان موتيۆاسيالىق ەسسە رەتىندە جازىلعان «قازاق قىزىمىن» اتتى ەڭبەگى جارىققا شىقتى. ول جەردە اۆتور قازاقتىڭ ءسالت-داستۇرىن ناسيحاتتاۋ ماقساتىندا اۋقىمدى سۇحباتتار بەرگەن ەكەن.
جازباعا سەنسەك باحارگۇل تولەگەن قىزىنىڭ ەڭبەگى مەملەكەت تاراپىنان ەلەنىپ، ول تاۋەلسىزدىك قارساڭىندا مەملەكەت باسشىسى قاسىم-جومارت توقايەۆتىڭ جارلىعىمەن قازاقستان رەسپۋبليكاسىنىڭ «ەڭبەك سىڭىرگەن قايراتكەرى» قۇرمەتتى اتاعىنا يە بولعان.
ءوز سوزىندە پوستتىڭ اۆتورى قولداۋ كورسەتىپ كەلە جاتقان "نۇر وتان" پارتياسىنا العىسىن ءبىلدىرىپ، وسى پارتيا قاتارىنا قوسىلاتىنىن مالىمدەدى.
«اتالعان ءىس-شارالاردا جانە ءسالت-داستۇرىمىزدى كەڭىنەن ناسيحاتتاۋعا قولداۋ كورسەتىپ كەلە جاتقان نۇر وتان پارتياسىنا ۇلكەن العىسىمدى بىلدىرەمىن. ال وزدەرىڭىز بىلەتىندەي، مەن بۇعان دەيىن «اۋىل» پارتياسىنىڭ مۇشەسى بولدىم. الايدا حالىقتى بەرەكە مەن بىرلىككە باستاعان بيلەۋشى پارتيانىڭ ءار ازاماتقا بەرەر مۇمكىنشىلىگى مول ەكەنىنە، ناقتى ىستەرىنە كوز جەتكىزدىم. سوندىقتان دا "نۇر وتان" پارتياسىنا مۇشە بولامىن دەپ شەشىم قابىلدادىم.
الداعى ۋاقىتتا نۇر وتانمەن بىرگە ۇلتتىق قۇندىلىقتارىمىزدى ۇلىقتاۋعا ارنالعان مادەني ءىس-شارالاردا بەلسەندىلىك تانىتىپ، جەمىستى ەڭبەك اتقاراتىنىمىزعا سەنىمىم مول»، – دەدى "ادەمى-اي" كومپانياسىنىڭ پرەزيدەنتى.
ءسوز سوڭىندا باحارگۇل تولەگەن قىزى كوپتى ەل مۇددەسى مەن جارقىن بولاشاق ءۇشىن قىزمەت ەتىپ، ۇلتتىق قۇندىلىقتارىمىزدى ۇلىقتاپ، الەمگە قازاقتى ازاتتىق سۇيگىش، رۋحى بيىك، نامىسى بەرىك حالىق رەتىندە تانىتۋعا شاقىردى.
