Tańdaýymyz – turaqtylyq, baǵytymyz – birlik
Halqymyzdyń bi-sheshenderi men aqyn-jyraýlary da árqashan ósietti sózderi men ǵibratty tolǵamdarynda, óleń-jyrlarynda birlikti nasihattaǵan. Maiqy bi babamyzdyń:
«Altaý ala bolsa, aýyzdaǵy ketedi,
Tórteý túgel bolsa, tóbedegi keledi», – degen naqyl sózi qansha ǵasyr ótse de urpaqqa ónege bola bermek. Tóle bidiń: «Birlik bolmai, tirlik bolmas», – deýi de tegin emes. Osynaý parasatty paiymdaýlar halqymyzdyń sanasynda saqtalyp, dosqa qamqor, ózgege ónege kórsetip, birlikti tý etip keledi.
Biyl Allanyń bizge bergen nyǵmeti – Táýelsizdigimizdiń 25 jyldyq mereili merekesi. Sizderdi osynaý Táýelsizdigimizdiń 25 jyldyq mereitoiymen jáne 1 mamyr birlik merekesimen quttyqtaimyn.
Alla Taǵala halqymyzdyń birligi men berekesin arttyryp, Táýelsizdigimizdi baiandy etkei! Tilegimiz qabyl, muratymyz asyl bolǵai! Ámin!
Erjan qajy MALǴAJYULY,
Qazaqstan musylmandary dini basqarmasynyń tóraǵasy, Bas múfti.
