Ol ótken tún Ýkraina úshin asa aýyr bolǵanyn aityp ótti. Pýtin áskeri turǵyn úilerdi bombylap, qoǵamdyq infraqurylymdardy qiratýǵa kóshkenin málimdedi.
Zelenskiidiń aitýynsha, okkýpanttar kózine túsken kózdep, qarapaiym turǵyndardy da nysanaǵa alatyn bolǵan.
"Olar balabaqshalardy, turǵyn úilerdi qiratýda, órt sóndirý, jedel járdem kólikterine oq jaýdyrýda. Olar Ýkraina jerine artilleriiasyn alyp kirdi. Dál qazir agressorlar áskeri infraqurylymy atymen joq qalalardy da bombylaýda.
Kiev, Vasilkov, Chernigov, Sýmy, Harkov sekildi qaharman qalalar Ekinshi dúniejúzilik soǵystyń kúiin bastan keshirýde", – dedi Zelenskii.
Ol baýyrlas belarýs ultynyń Ýkrainaǵa qarsy soǵysyp jatqanyna qynjylys bildirdi. Belarýs aýmaǵynda ornalasqan okkýpanttar armiiasynyń zymyrandary Ýkrainanyń turǵyndaryna baǵyttalyp jatqanyn eske saldy.
Aita ketelik, búgin Belarýste Konstitýtsiiaǵa ózgeris engizý týraly referendým bastaldy. Osy jaitty qaperge alǵan Zelenskii belarýster úshin syn saǵat týǵanyn málimdedi.
"Erteńgi urpaqtyń aldynda júzim jaryq bolsyn deseńiz, sheshimdi qazir qabyldańyzdar. Balańyzdyń kózine uialmai týra qaraý úshin óz-ózińizdi aldaýdy doǵaryńyz, ádil tańdaý jasaý keregin anyqtaityn sát týdy. Biz sizderge bóten emespiz! Resei emes, Belarýs bolyńyzdar! Búgin tarihi kún", – dedi Zelenskii belarýs turǵyndaryna qaratyp.
Ýkraina prezidenti kelissóz alańy dep aitylǵan Minskige qatysty pikir bildirdi. Onyń atap ótkenindei bul Kievtiń sheshimi emes. Belarýs turǵyndarynan da eshkim ruqsat suramaǵan. Bul Kremldiń tańdaýy.
[video width="848" height="464" mp4="https://dalanews.kz/wp-content/uploads/2022/02/IMG_6675.mp4" poster="https://dalanews.kz/wp-content/uploads/2022/02/zelenskiy.jpg"][/video]
"Tórt kún buryn Belarýs aýmaǵynan bizge qarai zymyrandar, áskeri ushaqtar men tehnikalar aǵyldy. Turǵyndardyń tóbesinen bomba tastaldy. Shyrt uiqyda jatqan halyq shoshyp oiandy.
Belarýster, dál qazir sizder tátti uiqynyń qushaǵyndasyzdar. Al bizdiń kóz ilmegenimizge talai kún boldy. Biz óz elimiz úshin kúresip jatyrmyz. Biz bostandyq úshin arpalysýdamyz. Buǵan tolyq quqylymyz!
Eger sizder jaqtan shabýyl jasalmasa, biz Minskige baryp sóilesýge ázir edik. Osy kúnge deiin ortan belden oiyspaǵan Minsk qazir Pýtinniń qoljaýlyǵyna ainalyp ketti. Sondyqtan kelissóz alańy retinde basqa aimaqty tańdaýǵa májbúrmiz. Taǵdyrsheshti tańdaý jasaityn kez taqap tur, belarýs turǵyndary. Barlyǵy, tek óz qoldaryńyzda. Belarýstyń qai baǵytta damitynyn AQSh-ta, Resei de, Ýkraina da sheshpeidi", – dedi Zelenskii.
Ýkraina prezidenti Belarýstyń Resei yqpalynan qutylyp, burynǵy dospeiildi elge ainalaryna senim bildirdi. "Barlyǵy tańdaý jasaýǵa tirelip tur. Syn saǵatta syna kórmeńizder, muqalmańyzdar...", – dedi ol.
