Baiqaýdyń negizgi ideiasy – Qazaqstannyń áleýmettik jáne qoǵamdyq ómirine, táýelsizdiktiń ornyǵýy men azamattyq qoǵamnyń qalyptasýyna úles qosqan qazaqstandyq ÚEU qyzmetiniń jetistikterin kópshilik aldynda taný.
«Tańdaý» respýblikalyq syilyǵynyń konkýrsyna qatysýǵa kommertsiialyq emes úkimettik emes uiymdar shaqyrylady. Syilyq alýǵa izdenýshilerdi jeke tulǵalar, adamdar toby, qoǵamdyq uiymdar, buqaralyq aqparat quraldary, biznes-qurylymdar men kásiporyndar, ÚEU jáne memlekettik organdar usyna alady.
Marapattalǵandarǵa tulǵalarǵa tiisti nominatsiia boiynsha «TAŃDAÝ» Respýblikalyq syilyǵynyń laýreaty» ataǵy, laýreattyń ataýly diplomy jáne estelik músinshe tabystalady. Marapattaý rásimi 26 qarashada Almatydaǵy Azamattyq forýmda ótedi.
2021 jyly syilyq 15 nominatsiia boiynsha beriledi:
- Bilim, ǵylym, aqparat, dene shynyqtyrý jáne sport salasynda jetistikke jetý;
- Azamattardyń densaýlyǵyn saqtaý men salaýatty ómir saltyn nasihattaý;
- Qorshaǵan ortany qorǵaý;
- Jastar saiasaty men balalar bastamalaryn qoldaý;
- Otbasylyq-demografiialyq jáne genderlik máselelerdi sheshýge kómektesý;
- Halyqtyń áleýmettik osal toptaryn qoldaý;
- Jetim balalarǵa, tolyq emes jáne kópbalaly otbasydan shyqqan balalarǵa kómek kórsetý;
- Halyqty jumyspen qamtýǵa atsalysý;
- Azamattar men uiymdardyń quqyqtaryn, zańdy múddelerin qorǵaý;
- Mádeniet pen ónerdi damytý;
- Tarihi-mádeni murany qorǵaý;
- Qoǵamdyq kelisim men jalpyulttyq birlikti nyǵaitý;
- Probatsiia qyzmetterine olardyń esebinde turǵan adamdarǵa áleýmettik-quqyqtyq kómek kórsetý kezinde járdemdesý;
- Memlekettik qyzmet kórsetý sapasyna qoǵamdyq monitoring júrgizý;
- Azamattyq qoǵamdy damytýǵa, onyń ishinde úkimettik emes uiymdar qyzmetiniń tiimdiligin arttyrýǵa járdemdesý.
Jumystar kelesi kriteriiler boiynsha baǵalanady:
- Uiymnyń úkimettik emes sektordaǵy jumys ótili 10 jyldan astam bolýy;
- Maqsatty toptardyń aimaq ne el ómirindegi jumys nátijeleriniń mańyzdylyǵy men áleýmettik áseri;
- Qyzmet pen iske asyrylǵan jobalardyń áleýmettik mańyzdylyǵy;
- Qyzmet tájiribesi men nátijelerin taratý (mýltiplikativtik áseri);
- Usynymdar, qoǵam men BAQ pikirleri.
Konkýrstyq komissiia qoǵamdyq-saiasi kóshbasshylar, ÚEU ókilderi, Parlament depýtattary, biznes-qurylymdar men memlekettik organdardyń, halyqaralyq uiym ókilderinen jinaqtalatynyn atap ótken jón.
Ótinishter tek elektrondy túrde qabyldanyp, tikelei uiymdastyrýshylardyń ( grazdanskiiforum2021@gmail.com ) elektrondyq poshtasyna 2021 jyldyń 13 qarashasyna deiin jiberilýi kerek.
Baiqaýdyń erejesimen Qazaqstannyń Azamattyq aliansy saityndaǵy silteme arqyly tanysýǵa bolady: https://clck.ru/YeNRu
Baiqaý nátijeleri 2021 jyldyń 26 qarashasynda jariialanady.
