بايقاۋدىڭ نەگىزگى يدەياسى – قازاقستاننىڭ الەۋمەتتىك جانە قوعامدىق ومىرىنە، تاۋەلسىزدىكتىڭ ورنىعۋى مەن ازاماتتىق قوعامنىڭ قالىپتاسۋىنا ۇلەس قوسقان قازاقستاندىق ۇەۇ قىزمەتىنىڭ جەتىستىكتەرىن كوپشىلىك الدىندا تانۋ.
«تاڭداۋ» رەسپۋبليكالىق سىيلىعىنىڭ كونكۋرسىنا قاتىسۋعا كوممەرسيالىق ەمەس ۇكىمەتتىك ەمەس ۇيىمدار شاقىرىلادى. سىيلىق الۋعا ىزدەنۋشىلەردى جەكە تۇلعالار، ادامدار توبى، قوعامدىق ۇيىمدار، بۇقارالىق اقپارات قۇرالدارى، بيزنەس-قۇرىلىمدار مەن كاسىپورىندار، ۇەۇ جانە مەملەكەتتىك ورگاندار ۇسىنا الادى.
ماراپاتتالعاندارعا تۇلعالارعا ءتيىستى نوميناسيا بويىنشا «تاڭداۋ» رەسپۋبليكالىق سىيلىعىنىڭ لاۋرەاتى» اتاعى، لاۋرەاتتىڭ اتاۋلى ديپلومى جانە ەستەلىك مۇسىنشە تابىستالادى. ماراپاتتاۋ ءراسىمى 26 قاراشادا الماتىداعى ازاماتتىق فورۋمدا وتەدى.
2021 جىلى سىيلىق 15 نوميناسيا بويىنشا بەرىلەدى:
- ءبىلىم، عىلىم، اقپارات، دەنە شىنىقتىرۋ جانە سپورت سالاسىندا جەتىستىككە جەتۋ؛
- ازاماتتاردىڭ دەنساۋلىعىن ساقتاۋ مەن سالاۋاتتى ءومىر سالتىن ناسيحاتتاۋ؛
- قورشاعان ورتانى قورعاۋ؛
- جاستار ساياساتى مەن بالالار باستامالارىن قولداۋ؛
- وتباسىلىق-دەموگرافيالىق جانە گەندەرلىك ماسەلەلەردى شەشۋگە كومەكتەسۋ؛
- حالىقتىڭ الەۋمەتتىك وسال توپتارىن قولداۋ؛
- جەتىم بالالارعا، تولىق ەمەس جانە كوپبالالى وتباسىدان شىققان بالالارعا كومەك كورسەتۋ؛
- حالىقتى جۇمىسپەن قامتۋعا اتسالىسۋ؛
- ازاماتتار مەن ۇيىمداردىڭ قۇقىقتارىن، زاڭدى مۇددەلەرىن قورعاۋ؛
- مادەنيەت پەن ونەردى دامىتۋ؛
- تاريحي-مادەني مۇرانى قورعاۋ؛
- قوعامدىق كەلىسىم مەن جالپىۇلتتىق بىرلىكتى نىعايتۋ؛
- پروباسيا قىزمەتتەرىنە ولاردىڭ ەسەبىندە تۇرعان ادامدارعا الەۋمەتتىك-قۇقىقتىق كومەك كورسەتۋ كەزىندە جاردەمدەسۋ؛
- مەملەكەتتىك قىزمەت كورسەتۋ ساپاسىنا قوعامدىق مونيتورينگ جۇرگىزۋ؛
- ازاماتتىق قوعامدى دامىتۋعا، ونىڭ ىشىندە ۇكىمەتتىك ەمەس ۇيىمدار قىزمەتىنىڭ تيىمدىلىگىن ارتتىرۋعا جاردەمدەسۋ.
جۇمىستار كەلەسى كريتەرييلەر بويىنشا باعالانادى:
- ۇيىمنىڭ ۇكىمەتتىك ەمەس سەكتورداعى جۇمىس ءوتىلى 10 جىلدان استام بولۋى؛
- ماقساتتى توپتاردىڭ ايماق نە ەل ومىرىندەگى جۇمىس ناتيجەلەرىنىڭ ماڭىزدىلىعى مەن الەۋمەتتىك اسەرى؛
- قىزمەت پەن ىسكە اسىرىلعان جوبالاردىڭ الەۋمەتتىك ماڭىزدىلىعى؛
- قىزمەت تاجىريبەسى مەن ناتيجەلەرىن تاراتۋ (مۋلتيپليكاتيۆتىك اسەرى)؛
- ۇسىنىمدار، قوعام مەن ب ا ق پىكىرلەرى.
كونكۋرستىق كوميسسيا قوعامدىق-ساياسي كوشباسشىلار، ۇەۇ وكىلدەرى، پارلامەنت دەپۋتاتتارى، بيزنەس-قۇرىلىمدار مەن مەملەكەتتىك ورگانداردىڭ، حالىقارالىق ۇيىم وكىلدەرىنەن جيناقتالاتىنىن اتاپ وتكەن ءجون.
وتىنىشتەر تەك ەلەكتروندى تۇردە قابىلدانىپ، تىكەلەي ۇيىمداستىرۋشىلاردىڭ ( grazdanskiiforum2021@gmail.com ) ەلەكتروندىق پوشتاسىنا 2021 جىلدىڭ 13 قاراشاسىنا دەيىن جىبەرىلۋى كەرەك.
بايقاۋدىڭ ەرەجەسىمەن قازاقستاننىڭ ازاماتتىق اليانسى سايتىنداعى سىلتەمە ارقىلى تانىسۋعا بولادى: https://clck.ru/YeNRu
بايقاۋ ناتيجەلەرى 2021 جىلدىڭ 26 قاراشاسىندا جاريالانادى.
