Merekelik sharaǵa aýyl adamdary, ziialy qaýym ókilderi, alys-jaqynnan kelgen qonaqtar men Qyzai ana urpaqtary qatynasty. Aq jaýlyqty analar shashý shashqannan keiin, merekelik shara Qarajorǵa biimen bastaldy. Aqsaqaldar bata berip, aýyl, aýdan ákimderi men qor músheleri, ziialy qaýym ókilderi halyqty Naýryz merekesimen quttyqtap, aq jarma tilekterin jaýdyrdy.
«Qyzai ana» qoǵamdyq qorynyń tóraǵasy Nábijan Muqamethanuly Qordyń maqsaty Elbasynyń Aýyl baǵdarlamasyn qoldaý retinde osy Óstemir aýylynyń áleýmettik-mádeni damýyna úles qosý. Aýyl halqyna jáne kelgen qonaqtarǵa merekelik kóńil kúi syilaý ekenin aityp, sharaǵa atsalysqan barsha azamattarǵa alǵysyn bildirdi jáne qordy qoldaýǵa shaqyrdy.
2011 jyly «Qyzai ana» qory qurylǵannan beri Óstemir aýylynda Naýryz merekesin ótkizip keledi. Qordyń dástúri boiynsha jyl saiyn Naýryz merkesin ótkizý jaýapkershiligin bir nemese birneshe azamat óz moiynyna alyp, barlyq shyǵyndardy ózderi kóterip, mereke kezinde túrli áleýmettik sharalardy da ótkizedi. Biylǵy jylǵy Naýryz merekesin ótkizý jaýapkershiligin belgili kásipker Nurtai Nursapauly alǵan edi.
«Qyzai ana» qoǵamdyq qory jastardy bilim men ǵylymǵa yntalandyrý úshin stýdentterge arnalǵan bir retki stipendiiaǵa konkýrs jariialaǵan. JOO oqytýshylary men qordyń basshylarynan quralǵan qazylar alqasy kelip túsken ótinshterdi qarap, oqý úlgerimi jaqsy, otbasynda qiynshylyǵy bar 20 stýdentke bir retke stipendiia taǵaiyndaǵan bolatyn. 21 naýryzdaǵy Merekelik shara aiasynda osy stýdentterdiń de stipendiiasy tabys etildi. Qor atynan taǵaiyndalǵan bul stipendiianyń qarjysyn da biylǵy Naýryz merekesin ótkizgen azamat shyǵardy.
«Qyzai ana» qoǵamdyq qory jyl saiyn Narýyz merekesinde stýdentterge stipendiia taǵaiyndap keledi. Jylda 5 stýdentke stipendiia taǵaiyndasa, biylǵy jyldy jastar jyly dep belgileýine bailanysty stipendiia iegerleriniń sanyn 20-ǵa kóbeitti. Sonymen birge, biyl kóp balaly analarǵa da kómek jasaldy. Óstemir, Týǵanbai, Báidibek, Nura aýylyndaǵy otbasynda qiynshylyǵy bar, kóp balaly 5 anaǵa qarjylai syiylyq berildi. Bul kópbalaly analardyń tizimin Talǵar aýdandyq Máslihatynyń depýtaty Ábdiǵani Bázilhanuly «Qyzai ana» qorynyń basshylaryna usynǵan edi.
Birneshe jyldan beri «Qyzai ana» qoǵamdyq qorynyń hatshysy Omaráli Ádilbekuly Talǵar aýdany Óstemir aýyly №14 mekteptiń oqýda ozat, otbasynda qiynshylyǵy 5 balaǵa qarjylai syilyq berip kele jatqan, biylǵy jyly bul igi isti qordyń quryltaishylarynyń biri Tusynáli Tileýshe jalǵastyrdy. Bul oqýshylardyń tizimin jylda atalmysh mekteptiń direktory men muǵalimderi beredi.
QR Sýretshiler odaǵynyń múshesi Shattyq Batannyń uiymdastyrýymen 5- synypqa deiingi mektep oqýshylaryna anralǵan sýret ónerinen master-klass jáne "Narýyzym merekem" atty mektep oqýshylary arasynda sýret syzý konkýrsy ótip, jeńimpazdar sertifikat jáne syilyqtarmen marapattalady. Bul syilyqtardy belgili kásipker azamat Erlan Dáýeltbek Toqqazy áýleti atynan ákelip, stipendiia iegeri bolǵan stýdentter men sýret syzý konýrsyna qatysqan balalarǵa berdi.
"Elmura" kompaniiasy ulttyq qolóner buiymdary kórgizbesin ótkizse, aq qalpaqty atalar men kimeshek kigen ájelerimiz ereshe sánimen merekege kórik qosty, ulttyq boiaýymyzdy jas urpaqqa tanytqandai boldy.
Aýylda merekege arnap aqboz úiler tigilip, jilǵan qýymǵa naýryz kóje beriledi. Dastarhan basynda Naýryzǵa arnap soiylǵan maldyń kárjiligin kelesi jylǵy naýryzdy ótkizetin azamattarǵa ustatyp, dástúrli jaýapkershilikti júktedi. «Qyzai ana» qorynyń atqarýshy direktory Bazaráli Áripuly biylǵy Naýryzdy ótkizgen azamattarǵa alǵysyn bildirip, kelesi jylǵy naýryzdy ótkizer azamattarǵa kelesi jylǵy naýryzdyń da mán-maǵynaly ótýine birge atsalysatyndaryn jetkizdi. 3 saǵatqa sozylǵan kontserttik baǵdarlama aiasynda belgili óner qairatkerleri án men kúiden shashý shashty.
Merekelik shara aiaasynda arqan tartý, qol kúres, kir kóterý siiaqty túrli sporttyq jarystar ótti. Sonymen birge Jasóspirimder arasynda qazaq kúresinen chempionat ótip, jeńimpazdy «Qońyrbai palýan» atyndaǵy túie palýan ataǵymen marapattap, baǵaly syilyqtar berdi.
Qońyrbai Bainazaruly biylǵy jylǵy naýryz merekesin ótkizgen atymtai jomart Nurtai Nursapaulynyń arǵy atasy. Qońyrbai Bainazaruly jaýryny jerge timegen palýan ári eli men jerin qorǵaǵan er júrek batyr. 18 ǵasyrdaǵy qazaq dalasyn Juńǵar shapqynshylarynan qorqaý joryqtarynda Esengeldi bimen birge Qyzai eliniń qolyn bastap, Abylaidyń aqtýynyń astynda han batyr Qabanbaidyń artynan erip, halqyn jaýdan qorǵaǵan. Batyr týraly maqalalar aldaǵy ýaqtty aqparat quraldarynda jariialanar. Al búgingi merekelik sharany uiymdastyrǵan batyrdyń urpaǵynyń jomartyǵy, jasaǵan igi sharalary, bilimdi urpaqtardy marapattaýy beibit kúndegi batyrlyq bolyp tabylary anyq.
Turdybek QURMETHAN
Derekkóz: Jebeu.kz
