Memlekettik jáne jekemenshik áriptestik aiasynda paidalanýǵa berilgen balabaqshalardyń qatary «Premiým-Talǵar» balabaqshasymen tolyqty. Qazaqstan Respýblikasynyń Táýelsizdigine 25 jyl tolýyna orai lentasy qiylǵan bóbekjai 500 balaǵa arnalyp salynǵan. Úsh bloktan qurylǵan eki qabatty ǵimarat jeke kásipker Ǵani Chaimerdenovtyń yqpalymen bir jyl ishinde boi kótergen. Memleket 80 ga jer bólip, merdiger mekeme 900 mln 155 myń teńgege sánine sapasy sai balabaqsha salyp, el igiligine berip otyr.
Sipaty men mazmuny bólek balabaqshanyń ashylýynaTalǵar aýdany ákiminiń birinshi orynbasy Á.Toibaev qatysyp, izgi tilegin joldady:
– Birinshiden, ol memlekettik jáne jekemenshik áriptestik baǵyty boiynsha jumys istep, sonyń nátijesinde jeke investitsiialyq jobaǵa mol qarjy quiylady. Ekinshiden, bul iske memlekettik baǵdarlamaǵa sáikes jergilikti atqarý organy da atsalysyp otyr. Úsh qabatty ǵimarat jas óskinderdi sapaly tárbielep, oi óristeriniń ósýine, iaǵni bilimdi bolyp er-jetýine yqpal etedi dep senemiz.
Sondai-aq, shara barysynda osy igilikti jumysty iske asyrǵan jeke kásipker Ǵ.Chaimerdenuly da sóz alyp, bul balabaqshanyń oblys boiynsha altynshysy ekenin aita kelip, quttyqtaý tilegin joldap, mekeme kiltin balabaqsha meńgerýshisi J.Beisenqyzyna saltanatty túrde tabys etti.
Eki men alty jas aralyǵyndaǵy balalardy tárbieleitin mektepke deiingi mekemede qazaq jáne orys tilinde 24 top bar. Jyly eden tóselip, balabaqshaǵa qajetti qural-jabdyqtarmen tolyqtai qamtamasyz etilgen. Ár bólme sol top balalarynyń jas erekshelikterine qarai daiarlanǵan. Ár topqa arnalǵan oiyn alańdary da umyt qalmaǵan. Búginniń ózinde 300 bala qabyldanyp, 60 jumys ornymen qamtamasyz etilip otyr. Búldirshinderge tek tárbie berip qana qoimai, olardyń sportpen, mýzykamen ainalysýyna basa nazar aýdarylǵan. Sondyqtan da bolar, salamatty ómir saltyn nasihattaýǵa baǵyttalǵan bólmeler jańa sipatta jabdyqtalyp, bala qýanyshyn eselei túsýge negizdelgen. Medbike bólmesi, psiholog, logoped jáne ustazdar bólmesi de bar. Baǵasy da tiimdi. Mundai múmkindiktiń týǵanyna ata-analar da óz rizashylyqtaryn bildirýde.
Aita ketelik, osy kúni Talǵar óńirinde taǵy 9 balabaqsha esikterin aiqara ashyp, óz jumystaryn resmi túrde bastady. Jekemenshik baǵytta bolsa da barlyǵy memlekettik «Balapan» baǵdarlamasy aiasynda boi kóterip, sol joba negizinde jumys isteidi. Balany qýantqan sáttiń qadiri de úlken bolmaǵy osyndai is júzinde dáleldenip jatqanyna aýdan jurtshylyǵynyń alǵysy sheksiz.
