Taldyqorǵanda jańadan ashylǵan "Qyzyltas – Tasbaqa" ekoparki buzaqylardyń áreketinen zardap shekti, dep habarlaidy dalanews.kz.
Halyqstan málimetinshe, belgisiz adamdar saiabaqtaǵy ekologiialyq oryndyqty syndyryp, onyń bólshekterin otyn retinde paidalanǵan. Tutanǵan ot janyndaǵy ekinshi oryndyqqa da jaiylǵan. Keiin kúdiktiler oqiǵa ornynan qashyp ketken.
Qazir politsiia oqiǵaǵa qatysy bar adamdardy anyqtap, izdestirip jatyr. Qaitalanǵan jaǵdailardyń aldyn alý úshin qalalyq turǵyn úi-kommýnaldyq sharýashylyq bólimi ekopark aýmaǵyna beinebaqylaý kameralaryn ornatýǵa kiristi.
"Qyzyltas – Tasbaqa" ekoparkin abattandyrýdyń alǵashqy kezeńi 5 qyrkúiekte ashylǵan. Munda demalys oryndary, baqylaý alańy, sýretke túsý aimaǵy, dárethana jáne qoqys jáshikteri ornatylǵan.
Joba úsh kezeńnen turady jáne ony 2027 jyly tolyq aiaqtaý josparlanǵan. Qolda bar málimet boiynsha, ekoparkti salýǵa qala biýdjetinen 50 million teńge bólingen.
