Atalǵan is-sharany Almaty oblysy ishki saiasat basqarmasy janyndaǵy "Jetisý media" KMM uiymdastyrdy.
Is-shara № 45 balabaqsha búldirshinderiniń QR Ánuranyn oryndaýynan bastaldy. Odan keiin kórkemsýret mektebi men Nazarbaev ziiatkerlik mektebiniń oqýshylary ulttyq simvoldar men rámizderdi beineleýge kiristi. Qatysýshylar 45 minýt ishinde 12 jas talant óz jumystaryn aiaqtady. Ár sýret óziniń shyǵarmashylyǵymen erekshelendi.
- Tý, Eltańba jáne Ánuran halqymyzdyń: birlik, beibitshilik, kelisim, dostyq, erkindik, bolashaqqa degen umtylystyń qundylyqtaryn bildiredi. Bul mereke biz úshin - erekshe. Rámizderdegi beineler, bizdiń elimizde bereke birligi jarasqan ulttar turatynyn árkez eske salady. Men osyny óz týyndymda kórsetýge tyrystym. Kóbine, Tý men Eltańbadaǵy altyn-kókgildir tústi paidalandym, - dedi qatysýshy Aidana Raiymjan.
Uiymdastyrýshylardyń aitýynsha, baiqaýdyń maqsaty-adamgershilik-patriottyq sezimge, Otanǵa degen súiispenshilik pen qurmetke tárbieleý, qazaqstandyq patriotizmdi qalyptastyrý, kórkem shyǵarmashylyq salasyndaǵy talantty tulǵalardy anyqtaý.
-4 maýsym Qazaqstan Respýblikasynyń Memlekettik rámizder kúni. Memlekettik rámizder-bul bizdiń memleketimizdiń ótkeni, búgini jáne bolashaǵy arasyndaǵy sabaqtastyqtyń kórinisi. Osy is-shara arqyly biz jas urpaqtyń memlekettik rámizderge degen súiispenshiligi men qurmetin oiatqymyz keledi. Árbir qazaqstandyqtyń azamattyq paryzy-osy qasietti qundylyqtarǵa qurmetpen qaraý. Elimizdiń odan ári órkendeýin tileimin, - dedi "Jetisý media" KMM orynbasary Muratbek Baltabekov.
"Obektivtegi ART álem" baiqaýynyń qorytyndysy boiynsha qatysýshylarǵa alǵys hattar men estelik syilyqtar tabys etildi.
