Taldyqorǵandaǵy "Til saraiynda" latyn qarpine kóshýdiń mańyzy talqylandy
Jiynǵa Abai atyndaǵy Qazaq Ulttyq pedagogikalyq ýniversitetiniń kásibi baǵyttaǵy tilder kafedrasynyń meńgerýshisi, filologiia ǵylymdarynyń doktory, professor Jumaǵali Ábýov, A. Baitursynuly atyndaǵy Til bilimi institýty til mádenieti bóliminiń meńgerýshisi, filologiia ǵylymdarynyń kandidaty Názira Ámirjanova, A.Baitursynuly atyndaǵy Til bilimi institýty terminologiia bóliminiń meńgerýshisi, filologiia ǵylymdarynyń kandidaty, dotsent Sársenbai Qulmanov, sonymen qatar ziialy qaýym ókilderi men tilge jaýapty mamandar qatysty.
Basqosýda baiandama jasaǵan ǵalymdar latyn álipbiine kóshýge qatysty oilarymen bólisti.
Olar latyn álipbiine kóshý – ulttyq múddeni qorǵaýdyń basty tetigi ekendigin aitty.
Óz sózinde A.Baitursynuly atyndaǵy Til bilimi institýty til mádenieti bóliminiń meńgerýshisi, filologiia ǵylymdarynyń kandidaty Názira Ámirjanova eń bastysy Túrkiia, Ózbekstan, Ázirbaijan, Túrkmenstan siiaqty túrkitildes elderdiń tájiribesine súiene otyryp, úlken daiyndyq jumystaryn júrgizý kerektigin tilge tiek etti. Sondai-aq, álipbi jasaýdyń birneshe kriterilerin atady.
– Álipbidi jasaýda eń aldymen balaǵa kózshalym jáne qolshalymǵa ońtaily bolýy kerek. Álipbidi eresek adamdar úshin emes, 6-7 jastaǵy balany oilap jasaýymyz qajet. Eger kózshalym men qolshalymǵa ońtaily bolsa, bul keremet jazý bolady», – degen filologiia ǵylymdarynyń kandidaty Názira Serikqyzy óz sózinde bir árip – bir dybys printsipiniń qatań saqtalýy týraly da keńinen áńgimeledi.
Jiynǵa qatysýshylar baiandamashylarǵa latyn álipbiine kóshýge bailanysty suraqtaryn qoiyp, naqty jaýaptaryn aldy.
