Almaty qalasynda Ál-Farabi dańǵylynda bolǵan adam ólimine ákelgen jol-kólik oqiǵasy boiynsha sot burynǵy Almaty qalalyq Politsiia departamenti basshysynyń orynbasarynyń júrgizýshisine qatysty úkim shyǵardy, dep habarlaidy dalanews.kz.
Sot sýdiasy Qusaiynov politsiia qyzmetkeri A.J.-ny kináli dep tanyp, ony eń tómengi qaýipsizdik mekemesinde 3 jyl 6 ai merzimge bas bostandyǵynan aiyrdy. Sondai-aq oǵan ómir boiy memlekettik qyzmette jumys isteýge tyiym salyndy. Buǵan qosa, politsiia serjanty ataǵynan aiyrylyp, Jábirlenýshilerge ótemaqy tóleý qoryna 86 500 teńge tóleýge mindetteldi.
Memlekettik aiyptaý tarapynyń málimetinshe, A.J. Aleksandr Paktyń alkogol ishimdigin ishkenin jáne kólikti qaýipti túrde júrgizip kele jatqanyn bile tura, ony toqtatpaǵan ári áriptesterine habar bermegen. Al qorǵaýshylar onyń mundai jaǵdaida áreket etýge mindetti bolǵany dáleldenbegenin jáne onyń áreketi men jol apaty arasynda tikelei sebep-saldarlyq bailanys joq ekenin alǵa tartty.
Eske salsaq, 2026 jylǵy 21 naýryzda Aleksandr Pak Zeekr markaly kóligimen Ál-Farabi dańǵylynda qarsy baǵytqa shyǵyp ketip, Mercedes kóligimen soqtyǵysqan. Apat saldarynan úsh adam qaza tapqan. Keiin sot Aleksandr Pakty kináli dep tanyp, ony 10 jylǵa bas bostandyǵynan aiyrǵan bolatyn.
