Bul jaiynda búgin Prezident Joldaýynyń óńirde oryndalý barysy týraly brifing ótkizgen Almaty oblysynyń ákimi Amandyq Batalov málimdedi, - dep habarlaidy Dalanews.kz oblys ákiminiń baspasóz qyzmetine siltep.
Óńir basshysynyń aitýynsha, Elbasynyń «Nurly jer» baǵdarlamasy sheńberinde turǵyn úiler men injenerlik infraqurylymdardyń qurylysyna 38,3 mlrd. teńge bólindi.
Jalpy oblysta barlyǵy 2843 páterlik 566 turǵyn úi salynýda, onyń 1020-sy kóp balaly otbasylaryna beriledi. 1533 otbasy «7-20-25», «Baqytty otbasy» jáne «Shańyraq 5-10-20» jeńildetilgen baǵdarlamalary boiynsha páter alady.
«Oblys ortalyǵy Taldyǵorǵanda 670 kottedj qalashyǵynyń qurylysy júrip jatyr. 2018-2019 jyldary 203 kottedj qoldanysqa berildi, biylǵy jyly taǵy 345-in beremiz, qalǵany 2021 jyly beriledi. Munda 445 kóp balaly otbasy turatyn bolady, sondyqtan bul jańa shaǵyn aýdanda mektep qurylysy bastaldy, balabaqsha, balalar alańdaryn, fýtbol alańdaryn salyp, barlyq aýmaǵyn abattandyratyn bolamyz», - dedi spiker.
