الماتى وبلىسىندا تۇرعىن ءۇي قۇرىلىسى جاقسى قارقىنمەن ءجۇرىپ جاتىر. 9 ايدا 712،4 مىڭ شارشى مەتر تۇرعىن ءۇي پايدالانۋعا بەرىلىپ، ءوسىم 7،6% قۇرادى. ال جىلدىق جوسپار – 938،8 مىڭ شارشى مەتر.

بۇل جايىندا بۇگىن پرەزيدەنت جولداۋىنىڭ وڭىردە ورىندالۋ بارىسى تۋرالى بريفينگ وتكىزگەن الماتى وبلىسىنىڭ اكىمى اماندىق باتالوۆ مالىمدەدى، - دەپ حابارلايدى Dalanews.kz وبلىس اكىمىنىڭ باسپا ءسوز قىزمەتىنە سىلتەپ.

ءوڭىر باسشىسىنىڭ ايتۋىنشا، ەلباسىنىڭ «نۇرلى جەر» باعدارلاماسى شەڭبەرىندە تۇرعىن ۇيلەر مەن ينجەنەرلىك ينفراقۇرىلىمداردىڭ قۇرىلىسىنا 38،3 ملرد. تەڭگە ءبولىندى.

جالپى وبلىستا بارلىعى 2843 پاتەرلىك 566 تۇرعىن ءۇي سالىنۋدا، ونىڭ 1020-سى كوپ بالالى وتباسىلارىنا بەرىلەدى. 1533 وتباسى «7-20-25»، «باقىتتى وتباسى» جانە «شاڭىراق 5-10-20» جەڭىلدەتىلگەن باعدارلامالارى بويىنشا پاتەر الادى. 

«وبلىس ورتالىعى تالدىعورعاندا 670 كوتتەدج قالاشىعىنىڭ قۇرىلىسى ءجۇرىپ جاتىر. 2018-2019 جىلدارى 203 كوتتەدج قولدانىسقا بەرىلدى، بيىلعى جىلى تاعى 345ء-ىن بەرەمىز، قالعانى 2021 جىلى بەرىلەدى. مۇندا 445 كوپ بالالى وتباسى تۇراتىن بولادى، سوندىقتان بۇل جاڭا شاعىن اۋداندا مەكتەپ قۇرىلىسى باستالدى، بالاباقشا، بالالار الاڭدارىن، فۋتبول الاڭدارىن سالىپ، بارلىق اۋماعىن اباتتاندىراتىن بولامىز»، - دەدى سپيكەر.