Buǵan deiin, alǵashqylardyń biri retinde Gennadii Golovkin, Aidyn Aiymbetov, Abai Qunanbaiuly, Beisen Quranbek syndy tulǵalardyń sulbasy keskindelgen-di.
Endigi kezekte Ál-Farabidiń 1150 jyldyq mereitoiy aiasynda ǵulamanyń beinesi oblys ortalyǵyndaǵy «Kóktem» shaǵyn aýdanynda ornalasqan kópqabatty turǵyn úidiń qabyrǵasyna salyndy.
Mýraldyń tómengi shetinde kemeńger tulǵanyń «Adam maqsatyna ózin-ózi jetildirý arqyly jetedi!» degen qanatty sózi jazylǵan.
Atalmysh shyǵarmashylyq jumystyń júzege asýyna Almaty oblys ákimdiginiń qoldaýymen «Rýhani Jańǵyrý» jobalyq keńsesi jáne oblystyq Sybailas jemqorlyqqa qarsy is-qimyl agenttigi muryndyq bolyp otyr.
Týyndy avtorynyń aitýynsha, mundai iri tulǵanyń sýretin salý ońai emes. Degenmen, bul qýanysh alyp keletinin jasyrmady. «Týǵan qalańnyń gúldenýine qosqan úles bir bólek, al óskeleń urpaqqa baba murasyn dáripteý bir basqa» deidi sýretshi Erkeǵali Imanǵali.
