Búginde komikstyń kóptegen anyqtamalary bar. Komiks – ádebiet jáne sýret ónerin qarastyratyn, keiipkerler hikaiasy. Qazirgi tańda komiksterdiń oqiǵalary álemdi qutqarý, ádiletke jaqtasý maqsatymen shyǵarylyp júr. Erekshe kúshke ie qaharmandarǵa qarsy turatyn jaǵymsyz obrazdar da komiksterde kórinis alyp jatady. Paraq betinen kinoindýstriia baǵytyna syrǵyp barǵan bul óner ár dáýirde ártúrli tanyldy.
– Búgingi kúni komiksterdi halyq durys túsine almai júr. Sebebi, joǵarǵy býyn ókilderi olardy mańyzdy emes keiipkerler retinde qabyldaidy. Sondyqtan osy shara arqyly úlkenderdi osy jaily habardar etip, bala men ata-ana arasyndaǵy qarym-qatynasty jaqyndatqymyz keledi, – deidi Reseiden kelgen kollektsioner jáne komiks bloger Rýslan Hýbiev.
Atalmysh festivalde sonymen qatar, «Qazaqstan – 2017» halyqaralyq kitap kórmesinde «Úzdik grafikalyq basylym» nominatsiiasy boiynsha jeńimpaz bolǵan «Ermek batyr» kitabyndaǵy keiipkerler tanystyryldy. Mádibek Musabekovtyń shyǵarǵan otandyq ónimi eýropalyq standarttar deńgeiinde jasalǵan tamasha sapanyń úlgisi bola bildi.
– Bul jobany uiymdastyrýǵa bir jarym ai ýaqyt ketti. Ərine, basynda qorqynysh úreii basym bolsa da, alǵa maqsat qoiyp, izdenis ústinde boldym. Nátijesi jaman emes, halyqtyń kóńilinen shyqty degen oidamyn. Bul jalǵyz meniń ǵana emes, osy ýaqyt aralyǵynda qoldaý kórsetip, qol ushyn bergen jandardyń da eńbegi, – deidi joba uiymdastyrýshysy Dinara Əsetbekova.
Sondai-aq, is-shara kórermenderin otandyq filmderdiń kórsetilimimen, «Qazaq handyǵy» jáne «Hobbygame» ústel oiyndarymen, «Salbencomics» baspa úiinińsheberlik sabaǵymen jáne de taqyryptyq jármeńkelerimen qýantty.
Aita ketý kerek, «Úzdik kosplei» baiqaýynda «Riviialyq Geralt» obrazyn somdaǵan Anton Filipov birinshi oryndy ielendi. Ol quttyqtaý diplomy men smartfonnyń iesi atandy. Osymen birge, «Qazaq handyǵy» oiynynyń jeńimpazdary da nazardan tys qalmai, baǵaly syilyqtarmen marapattaldy.
Baljan Qairatqyzy,
Almaty oblysy
