ەلباسىنىڭ «بولاشاققا باعدار: رۋحاني جاڭعىرۋ»  باعدارلاماسى اياسىندا العاش رەت تالدىقورعان قالاسىندا كوميكس جانە پوپ-مادەنيەت فەستيۆالى وتكىزىلدى. وڭىرلىك كوممۋنيكاسيالار قىزمەتىنىڭ ۇيىمداستىرۋىمەن وتكىزىلگەن فەستيۆال قىزىققا تولى بولدى. شارانىڭ نەگىزگى  ماقساتى: بۇگىنگى كۇنى حالىق اراسىندا كوميكس جايلى دۇرىس تۇسىنىك قالىپتاستىرۋ.



اتالمىش فەستيۆالعا مادەنيەت قايراتكەرى، اقىن جۇماتاي وسپان ۇلى، تمد ەلدەرىنىڭ ەڭ تانىمال سۋرەتشىسى ەۆگەنيي ياكوۆليەۆ، سانك-پەتەربۋرگتەگى تانىمال كوميكستەردى شىعاراتىن «رامونا» باسپا ءۇيىنىڭ باس رەداكتورى رۋسلان حۋبييەۆ سىندى سپيكەرلەرمەن قالا تۇرعىندارى قاتىستى. حەدلاينەرلەر «كوميكستەردى جيناۋ دەگەنىمىز نە؟»، «كوميكستەردىڭ شىعۋ تەگى» سەكىلدى تاقىرىپتاردا شەبەرلىك ساعاتىن وتكىزدى.

بۇگىندە كوميكستىڭ كوپتەگەن انىقتامالارى بار. كوميكس – ادەبيەت جانە سۋرەت ونەرىن قاراستىراتىن، كەيىپكەرلەر حيكاياسى. قازىرگى تاڭدا كوميكستەردىڭ وقيعالارى الەمدى قۇتقارۋ، ادىلەتكە جاقتاسۋ ماقساتىمەن شىعارىلىپ ءجۇر. ەرەكشە كۇشكە يە قاھارماندارعا قارسى تۇراتىن جاعىمسىز وبرازدار دا كوميكستەردە كورىنىس الىپ جاتادى. پاراق بەتىنەن كينويندۋستريا باعىتىنا سىرعىپ بارعان بۇل ونەر ءار داۋىردە ءارتۇرلى تانىلدى.

– بۇگىنگى كۇنى كوميكستەردى حالىق دۇرىس تۇسىنە الماي ءجۇر. سەبەبى، جوعارعى بۋىن وكىلدەرى ولاردى ماڭىزدى ەمەس كەيىپكەرلەر رەتىندە قابىلدايدى. سوندىقتان وسى شارا ارقىلى ۇلكەندەردى وسى جايلى  حاباردار ەتىپ، بالا مەن اتا-انا اراسىنداعى قارىم-قاتىناستى جاقىنداتقىمىز كەلەدى، – دەيدى رەسەيدەن كەلگەن  كوللەكسيونەر جانە كوميكس بلوگەر رۋسلان حۋبييەۆ.

اتالمىش فەستيۆالدە سونىمەن قاتار، «قازاقستان – 2017» حالىقارالىق كىتاپ كورمەسىندە «ۇزدىك گرافيكالىق باسىلىم» نوميناسياسى بويىنشا جەڭىمپاز بولعان  «ەرمەك باتىر» كىتابىنداعى كەيىپكەرلەر تانىستىرىلدى. ماديبەك مۇسابەكوۆتىڭ شىعارعان وتاندىق ءونىمى ەۋروپالىق ستاندارتتار دەڭگەيىندە جاسالعان تاماشا ساپانىڭ ۇلگىسى بولا ءبىلدى.

– بۇل جوبانى ۇيىمداستىرۋعا ءبىر جارىم اي ۋاقىت كەتتى. ارينە، باسىندا قورقىنىش ۇرەيى باسىم بولسا دا، العا ماقسات قويىپ، ىزدەنىس ۇستىندە بولدىم. ناتيجەسى جامان ەمەس، حالىقتىڭ كوڭىلىنەن شىقتى دەگەن ويدامىن. بۇل جالعىز مەنىڭ عانا ەمەس، وسى ۋاقىت ارالىعىندا قولداۋ كورسەتىپ، قول ۇشىن بەرگەن جانداردىڭ دا ەڭبەگى، – دەيدى جوبا ۇيىمداستىرۋشىسى دينارا اسەتبەكوۆا.

سونداي-اق، ءىس-شارا كورەرمەندەرىن وتاندىق فيلمدەردىڭ كورسەتىلىمىمەن، «قازاق حاندىعى» جانە «Hobbygame» ۇستەل ويىندارىمەن،  «Salbencomics» باسپا ۇيىنىڭشەبەرلىك ساباعىمەن جانە دە  تاقىرىپتىق جارمەڭكەلەرىمەن قۋانتتى.



ايتا كەتۋ كەرەك، «ۇزدىك كوسپلەي» بايقاۋىندا «ريۆيالىق گەرالت» وبرازىن سومداعان انتون فيليپوۆ ءبىرىنشى ورىندى يەلەندى. ول قۇتتىقتاۋ ديپلومى مەن سمارتفوننىڭ يەسى اتاندى. وسىمەن بىرگە، «قازاق حاندىعى» ويىنىنىڭ جەڭىمپازدارى دا نازاردان تىس قالماي، باعالى سىيلىقتارمەن ماراپاتتالدى.



بالجان  قايرات قىزى،

الماتى وبلىسى