Jańa kópir eldi meken turǵyndarynyń qaýipsiz qozǵalysyn qamtamasyz etedi. Turǵyndardy quttyqtaýǵa Almaty oblysynyń ákimi Amandyq Batalov kelip, Jetisý ziialylarymen jáne saiajailardyń turǵyndarymen birge qos ótkeldiń saltanatty túrde lentasyn qidy.
– Qurmetti jerlester, qymbatty taldyqorǵandyqtar! Sizderdi qala úshin mańyzdy ári qajetti jobanyń aiaqtalýymen – turǵyndardyń da, avtomobilshilerdiń de qaýipsiz qozǵalysyn qamtamasyz etý úshin salynǵan eki jańa avtomobil kópiriniń paidalanýǵa engizilýimen quttyqtaimyn!
Taldyqorǵandaǵy ómir jyl saiyn jaqsaryp kele jatqanyn atap ótkim keledi. Eger 2001 jyly oblys biýdjeti 27 milliard teńgeni qurasa, qazirgi ýaqytta bul soma 760 milliard teńgege deiin ósti. Bul sandar boiynsha Jetisýda qandai aýqymdy jumystar júrgizilip jatqanyn anyqtaýǵa bolady, – dedi aimaq basshysy Amandyq Batalov.
Saiajai turǵyndarynyń qýanyshtary júzderinen baiqalyp turdy. Óitkeni, olar jańa kópirlerdi uzaq kútti. «Shaiqorǵan» jáne «Qyzyl tas» turǵyndary bir jaǵalaýdan ekinshi Qaratal jaǵalaýyna ótý úshin densaýlyqtaryna, tipti ómirlerine qaýip tóndirýge týra kelgenin eske alady. Osyǵan bailanysty, ótken jyldyń sońynda olar oblys ákimine jańa avtomobil kópirin salýdy suraǵan edi.
– Amandyq Ǵabbasuly, siz óz ýádeńizdi oryndadyńyz. Qazir bizde myqty, keń jáne qaýipsiz kópir bar. Bizdiń Taldyqorǵannyń barǵan saiyn jaily bolyp kele jatqanyn atap ótkim keledi. Siz tek qala ortalyǵyn abattandyrýǵa ǵana emes, sonymen qatar shetkeri aimaqtarǵa da nazar aýdarǵanyńyz qatty qýantady, – dedi «Shaiqorǵan» saiajai massiviniń turǵyny Áliia Betebaeva.
«Shaiqorǵan» saiajaiyndaǵy adamdar jaiaý júrip ótken eski kópirdi alyp tastamaidy. Amandyq Batalovtyń bastamasy boiynsha ol bezendirilip, estelik retinde qaldyrylady. Eski qurylystyń erekshe túri retro-rekonstrýktsiia bolady, onyń aiasynda taldyqorǵandyqtar men Jetisý óńiriniń qonaqtary sýretke túse alady
Aita ketý kerek, 2 jobanyń qurylysyna jergilikti biýdjetten 595 million teńge bólingen. Kópirlerdiń uzyndyǵy – 69 m, joldyń eni – 7 metr. Jaiaý júrispen jaily júrýge arnalǵan jeke trotýar bar. Karantinge qaramastan, qurylys jumystary toqtaǵan joq jáne kópir dál ýaqytynda paidalanýǵa berildi.
2014 jyldan bastap jalpy somasy 553 mln teńgeden astam elektrmen jabdyqtaý jelileriniń shamamen 107 shaqyrym rekonstrýktsiialaý júrgizildi. Aýmaqty qar men jańbyrdan qorǵaý maqsatynda 1,9 km magistraldy kanalǵa kúrdeli jóndeý júrgizilip, 13 kópir jańartyldy.
