Taldyqorǵanda gaz qalai tartylýda?
Almaty oblysy energetika jáne turǵyn úi-kommýnaldyq sharýashylyǵy basqarmasynyń málimetinshe, qalany gazdandyrý jobalarynyń barlyǵy tiisti normalar men talaptarǵa sáikes daiyndalǵan, degenmen gaz qubyryn júrgizý máselesinde azamattarda kóptegen suraqtar týyndap jatady. Osy materialda mamandar eń jii qoiylatyn suraqtarǵa jaýap beredi.
Kóp páterli úilerge tartylatyn gaz qubyrynyń diametri de ózekti sanalady.
Mamandardyń aitýynsha, balalar mekemesiniń, aýrýhanalar men mektepterdiń, sanatorilerdiń, túrli qoǵamdyq, ákimshilik ǵimarattardyń, halyq kóp jinalatyn turmystyq ǵimarattardyń qabyrǵalary men shatyrlaryna barlyq qysymdaǵy gaz qubyrlaryn tranzittik tóseýge jol berilmeidi.
Atap ótsek, 2016 jyldan 2020 jylǵa deiin Taldyqorǵanda 1-den 19-ǵa deiin iske qosý keshenderi salynyp iske qosyldy, gazǵa qosylýǵa 51,2 myń abonent múmkindik aldy, búgingi kúnge sonyń ishinde 11,0 myńnan astam abonent gazǵa qosaldy. Oblys ortalyǵyn gazdandyrý jalǵasýda, 20 iske qosý kesheninde qurylys jumystary júrip jatyr. Barlyq qurylys-montaj jumastaryn tiisti jumystardy atqarýǵa arnalǵan litsenziiasy bar merdiger uiymdar júzege asyrýda.
Bul uiymdar áleýmettik jetkizýshiden talap etiletin biliktilik talaptarynyń negizinde memlekettik satyp alýdyń ashyq konkýrsy arqyly anyqtalǵan. Jumystar daiyndalǵan jobaǵa sáikes júrgiziledi, avtorlyq, tehnikalyq qadaǵalaýlar negizinde baqylanady. Gaz júiesine qyzmet kórsetý jáne ony iske qosý maqsatynda 2014 jyly oblys ákimdigi men «QazTransGaz» AQ arasynda memorandým jasalǵan, soǵan sáikes «QazTransGaz-Aimaq» JtPF 136 bilikti qyzmetkerin tarta otyryp, apattyq qyzmet qurǵan.
