– Elbasynyń «5 áleýmettik bastamasyn» iske asyrý sheńberinde jáne Prezidenttiń jastardyń erkin bilim alýyna jaǵdai jasaý týraly tapsyrmasyna orai biz stýdentterge arnap jataqhanalar saldyq. Jýyrda ǵana I.Jansúgirov atyndaǵy Jetisý ýniversitetiniń 280 oryndy jataqhanasy iske qosylyp, mańaiynyń bárin abattandyrdyq. Qaratal aýdanynda kolledj stýdentteri úshin jataqhana saldyq. Búgin Táýelsizdik merekesi qarsańynda taǵy eki jataqhanany ashyp otyrmyz. Zamanaýi tipte salynǵan bul eki ǵimarat jergilikti biýdjettiń qarjysyna turǵyzyldy. Munda usaq-túiekke deiin bári eskerilip, turmysqa qajetti jihaz, qural-jabdyqtar - bári qarastyrylǵan. Biz jastardyń alańsyz bilim alyp, ǵylymmen erkin ainalysýyna barlyq jaǵdaidy jasadyq. Osy sátti paidalanyp, barlyq jumystardy merziminde, sapaly aiaqtaǵandary úshin merdiger uiymdarǵa alǵys aitamyn, – dep A. Batalov barlyq jinalǵan qaýymdy alda kele jatqan Táýelsizdik merekesimen de quttyqtady.
Munan keiin óńirdiń bilim salasyn damytýdyń kelesi jylǵa arnalǵan josparlary týraly aita kele, aldaǵy jylda úsh aýysymdy mektepterdi joiý jumystary jalǵasatynyn jetkizdi. Sonyń sheńberinde biyl 8 mektep iske qosylǵan, 14 mekteptiń qurylysy kelesi jyly da jalǵasady. Sonymen birge 2021 jyly 1500 oryndy 6 mektep salý josparlanǵan. Stýdentterge arnalǵan jataqhanalar, balabaqshalar, aýyldyq dárigerlik ambýlatoriialar, FAP-tar salý da toqtamaidy. Osy rette FAP-tardyń jańa tipte – blokty-modýldi konstrýktsiiada salynatynyn aita ketken jón. Bul qanatqaqty jobany iske asyrýdyń birinshi kezegine 1 mlrd. teńge bólindi.
Jańa eki jataqhana týraly aitsaq, olar erekshe jailylyǵymen erekshelenedi. 2 jáne 3 adamǵa arnalǵan jatyn bólmeler bir blokqa biriktirilgen. Ár blokta qajetti jihazben, ydys-aiaqpen, qural-jabdyqpen qamtylǵan shaǵyn as bólmesi, sol siiaqty dýshy men sanitarlyq toraby bólek qarastyrylǵan. Sonymen qatar jumys jáne demalys bólmeleri, ashana, oqshaýlanǵan medpýnkti bar.
Taldyqorǵan joǵary meditsinalyq kolledjine arnalǵan 280 oryndy jataqhana qurylysy úshin jergilikti biýdjetten 988,8 mln. teńge bólingen. 3 adamǵa arnalǵan 52 bólme, 2 adamǵa arnalǵan 58 bólmesi bar, sol siiaqty múmkindigi shekteýli jandar men olardy alyp júretin adamdarǵa arnalǵan eki bólme qarastyrylǵan. Jatyn bólmelerden bólek vestibiýl, jumys jáne demalys bólmeleri, turmystyq qajettilikke arnalǵan bólme, oqshaýlanǵan medpýnkt, qoǵamdyq tamaqtaný jáne tehnikalyq qyzmet oryndary bar. Qurylys jumystarynyń barlyǵyn «Jóndeý Qurylys» JShS merdiger mekemesi júrgizdi.
Almaty oblysy ákiminiń baspasóz qyzmeti.
