Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Taldyqorǵanda Dostyq úiiniń 15 jyldyǵyna arnalǵan sharada ultaralyq tatýlyq barynsha dáripteldi

Dalanews
Taldyqorǵanda Dostyq úiiniń 15 jyldyǵyna arnalǵan sharada ultaralyq tatýlyq barynsha dáripteldi
Taldyqorǵanda Dostyq úiiniń 15 jyldyǵyna arnalǵan «Beibitshilik pen kelisim – qazaqstandyq qoǵamnyń eń joǵary qundylyqtary» taqyrybynda ǵylymi-praktikalyq konferentsiia ótti, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.

Taldyqorǵan tórinde ótken is-sharaǵa oblystyq jáne qalalyq ákimdikterdiń ókilderi, qalalyq jáne aýdandyq ishki saiasat basqarmalarynyń basshylary, respýblikalyq jáne oblystyq qoǵamdyq uiymdar men ziialy qaýym ókilderi, Jetisý oblysy etnomádeni birlestikteriniń tóraǵalary men “Assambleia jastary” RQB belsendileri qatysyp, kókeide júrgen oilaryn ortaǵa saldy.

Taldyqorǵan qalasynyń filarmoniiasynda Dostyq úiiniń 15 jyldyǵyna arnalǵan «Beibitshilik pen kelisim – qazaqstandyq qoǵamnyń eń joǵary qundylyqtary» taqyrybynda ǵylymi – praktikalyq konferentsiia Qazaqstanda mekendep jatqan ózge etnos ókilderi arasynda beibitshilikti, kelisimdi jáne etnosaralyq turaqtylyqty saqtaý máselesi sóz boldy.

Jetisý jerinde talai ýaqyttan beri ózge ulttar memleket quraýshy halyq qazaqtarmen tatý-tátti ǵumyr kóship keledi. Olardyń keibiri qazaqtarǵa sińip ketti dese de bolady. Sondyqtan óńirde ultaralyq tatýlyqqa qatysty másele joq. Jurttyń ortaq iske judyryqtai jumylyp, memleket múddesi úshin baryn salyp jumys isteidi.

Shara barasynda sóz sóilegen Jetisý oblysy ákimi apparatynyń Ádep jónindegi ýákili Ǵabit Turysynbaiuly osydan 15 jyl buryn oblys ortalyǵy Taldyqorǵan qalasynda Dostyq úiiniń ashylýy óńir turǵyndary úshin tarihi oqiǵa bolǵanyn alǵa tartty.

– Óz basym Taldyqorǵan qalasynda Dostyq úiiniń ashylýy tarihi oqiǵa dep qabyldaimyn. Óitken sol kezde Jetisý jerin mekendegen ózge ult ókilderiniń 70-ten astam mádeni ortalyqtary óz betinshe jumys istedi. Bir úilerinde otyryp jumys istese, endi biri keńse jaldap jumys istegenin bilemin. Al Dostyq úii ashylǵannan keiin olardyń bir ortalyqqa kelip, ózderiniń mádenieti men salt-dástúrin damytyp, oblysymyzdaǵy ulatarlyq tatýlyqty saqtaýǵa óz úlesterin qosýǵa múmkindik aldy. Bir sózben aitsaq, Dostyq úii Jetisý jerindegi qoǵamdyq kelsim men ultaralyq tatýlyqty saqtaý isin jańa deńgeige kóterdi dep nyq senimmen aita alamyn. Óitkeni kezine óz basym osy Dostyq úiin basqaryp, kóptegen is-sharalardyń bel ortasynda júrdim, – dedi Dostyq úiin kezinde basqarǵan aptal azamat.

Dostyq úiiniń 15 jyldyq mereitoiyna orai uiymdastyrylǵan konferentsiia barysynda Ulttyq sharýashylyq jáne ulttyq kiimder defile kórmesi de ótkenin aita ketýimiz. Kórmeni tamashalaǵanymyzda Jetisý oblysyndaǵy etnomádeni birlestikterdiń ókilderi bul iske barynsha daiyndalǵanyn baiqadyq. Kórmege qatysýshylar árbir ulttyq turmystyq ómirin qoldanatyn zattar men ulttyq kiimderin jurtshylyq nazaryna usynyp, ózderiniń mádeni qundylyqtaryn barynsha nasihattap qalýǵa tyrysty.

Konferentsiia barysynda sóz alǵan Qazaqstan halqy Assambleiasynyń beldi ókili, Jetisý oblysy Qoǵamdyq kelisim mekemesiniń jetekshisi Rýfina Ýsmanova elimizdegi ultaralyq tatýlyqty saqtaýǵa qatysty kókeide júrgen oiyn ortaǵa saldy.

– Táýelsizdik jyldary Jetisý jerindegi ózge ult ókilderi elimizdegi ultaralyq tatýlyqty saqtap, damytýǵa ólsheýsiz eńbek sińirdi. Ol kezde Jetisý men Almaty oblysy bólinbei turǵanyn bilesizder. Qazaqstan halqy Assambleiasyn qurýǵa sol kezde jetisýlyqtar airyqsha yqpal etti. Jalyp, Jetisý jeri Qazaqstandaǵy ultaralyq tatýlyqty saqtaýdyń altyn qazyǵy desek bolady. Elimiz boiynsha eń alǵashqy Dostyq úii jeruiyq meken Jetisýda boi kóterýinen kóp jaitty ańǵarýǵa bolady. Búgin sol birinshi bolyp salynǵan Dostyq úiiniń 15 jyldyǵyn atap ótip jatyrmyz. Bul biz úshin tarihai sát, – dedi Rýfina Ýsmanova.

Aitsa aitqandai dostyq pen ultaralyq tatýlyq Jetisý jerinde tamyryn tereńge jibergen basty qundylyq desek bolady. Aldaǵy ýaqytta oblystaǵy etnomádeni birlestikter bul baǵyttaǵy jumystaryn óristetip, dostyq pen yntymaqty dáriptei beretin bolady.
konferentsiia Qazaqstan halqy Assambleiasy Jetisý Taldyqorǵan Dostyq Dostyq úii Qoǵamdyq kelisim Rýfina Ýsmanova Madina Sádýaqasova

Oqi otyryńyz