تالدىقورعان تٶرٸندە ٶتكەن ٸس-شاراعا وبلىستىق جەنە قالالىق ەكٸمدٸكتەردٸڭ ٶكٸلدەرٸ, قالالىق جەنە اۋداندىق ٸشكٸ ساياسات باسقارمالارىنىڭ باسشىلارى, رەسپۋبليكالىق جەنە وبلىستىق قوعامدىق ۇيىمدار مەن زييالى قاۋىم ٶكٸلدەرٸ, جەتٸسۋ وبلىسى ەتنومەدەني بٸرلەستٸكتەرٸنٸڭ تٶراعالارى مەن “اسسامبلەيا جاستارى” رقب بەلسەندٸلەرٸ قاتىسىپ, كٶكەيدە جٷرگەن ويلارىن ورتاعا سالدى.
تالدىقورعان قالاسىنىڭ فيلارمونيياسىندا دوستىق ٷيٸنٸڭ 15 جىلدىعىنا ارنالعان «بەيبٸتشٸلٸك پەن كەلٸسٸم – قازاقستاندىق قوعامنىڭ ەڭ جوعارى قۇندىلىقتارى» تاقىرىبىندا عىلىمي – پراكتيكالىق كونفەرەنتسييا قازاقستاندا مەكەندەپ جاتقان ٶزگە ەتنوس ٶكٸلدەرٸ اراسىندا بەيبٸتشٸلٸكتٸ, كەلٸسٸمدٸ جەنە ەتنوسارالىق تۇراقتىلىقتى ساقتاۋ مەسەلەسٸ سٶز بولدى.
جەتٸسۋ جەرٸندە تالاي ۋاقىتتان بەرٸ ٶزگە ۇلتتار مەملەكەت قۇراۋشى حالىق قازاقتارمەن تاتۋ-تەتتٸ عۇمىر كٶشٸپ كەلەدٸ. ولاردىڭ كەيبٸرٸ قازاقتارعا سٸڭٸپ كەتتٸ دەسە دە بولادى. سوندىقتان ٶڭٸردە ۇلتارالىق تاتۋلىققا قاتىستى مەسەلە جوق. جۇرتتىڭ ورتاق ٸسكە جۇدىرىقتاي جۇمىلىپ, مەملەكەت مٷددەسٸ ٷشٸن بارىن سالىپ جۇمىس ٸستەيدٸ.
شارا باراسىندا سٶز سٶيلەگەن جەتٸسۋ وبلىسى ەكٸمٸ اپپاراتىنىڭ ەدەپ جٶنٸندەگٸ ۋەكٸلٸ عابيت تۇرىسىنبايۇلى وسىدان 15 جىل بۇرىن وبلىس ورتالىعى تالدىقورعان قالاسىندا دوستىق ٷيٸنٸڭ اشىلۋى ٶڭٸر تۇرعىندارى ٷشٸن تاريحي وقيعا بولعانىن العا تارتتى.
دوستىق ٷيٸنٸڭ 15 جىلدىق مەرەيتويىنا وراي ۇيىمداستىرىلعان كونفەرەنتسييا بارىسىندا ۇلتتىق شارۋاشىلىق جەنە ۇلتتىق كيٸمدەر دەفيلە كٶرمەسٸ دە ٶتكەنٸن ايتا كەتۋٸمٸز. كٶرمەنٸ تاماشالاعانىمىزدا جەتٸسۋ وبلىسىنداعى ەتنومەدەني بٸرلەستٸكتەردٸڭ ٶكٸلدەرٸ بۇل ٸسكە بارىنشا دايىندالعانىن بايقادىق. كٶرمەگە قاتىسۋشىلار ەربٸر ۇلتتىق تۇرمىستىق ٶمٸرٸن قولداناتىن زاتتار مەن ۇلتتىق كيٸمدەرٸن جۇرتشىلىق نازارىنا ۇسىنىپ, ٶزدەرٸنٸڭ مەدەني قۇندىلىقتارىن بارىنشا ناسيحاتتاپ قالۋعا تىرىستى.
كونفەرەنتسييا بارىسىندا سٶز العان قازاقستان حالقى اسسامبلەياسىنىڭ بەلدٸ ٶكٸلٸ, جەتٸسۋ وبلىسى قوعامدىق كەلٸسٸم مەكەمەسٸنٸڭ جەتەكشٸسٸ رۋفينا ۋسمانوۆا ەلٸمٸزدەگٸ ۇلتارالىق تاتۋلىقتى ساقتاۋعا قاتىستى كٶكەيدە جٷرگەن ويىن ورتاعا سالدى.
ايتسا ايتقانداي دوستىق پەن ۇلتارالىق تاتۋلىق جەتٸسۋ جەرٸندە تامىرىن تەرەڭگە جٸبەرگەن باستى قۇندىلىق دەسەك بولادى. الداعى ۋاقىتتا وبلىستاعى ەتنومەدەني بٸرلەستٸكتەر بۇل باعىتتاعى جۇمىستارىن ٶرٸستەتٸپ, دوستىق پەن ىنتىماقتى دەرٸپتەي بەرەتٸن بولادى.
