تالدىقورعان تورىندە وتكەن ءىس-شاراعا وبلىستىق جانە قالالىق اكىمدىكتەردىڭ وكىلدەرى، قالالىق جانە اۋداندىق ىشكى ساياسات باسقارمالارىنىڭ باسشىلارى، رەسپۋبليكالىق جانە وبلىستىق قوعامدىق ۇيىمدار مەن زيالى قاۋىم وكىلدەرى، جەتىسۋ وبلىسى ەتنومادەني بىرلەستىكتەرىنىڭ ءتوراعالارى مەن “اسسامبلەيا جاستارى” رقب بەلسەندىلەرى قاتىسىپ، كوكەيدە جۇرگەن ويلارىن ورتاعا سالدى.
تالدىقورعان قالاسىنىڭ فيلارمونياسىندا دوستىق ءۇيىنىڭ 15 جىلدىعىنا ارنالعان «بەيبىتشىلىك پەن كەلىسىم – قازاقستاندىق قوعامنىڭ ەڭ جوعارى قۇندىلىقتارى» تاقىرىبىندا عىلىمي – پراكتيكالىق كونفەرەنسيا قازاقستاندا مەكەندەپ جاتقان وزگە ەتنوس وكىلدەرى اراسىندا بەيبىتشىلىكتى، كەلىسىمدى جانە ەتنوسارالىق تۇراقتىلىقتى ساقتاۋ ماسەلەسى ءسوز بولدى.
جەتىسۋ جەرىندە تالاي ۋاقىتتان بەرى وزگە ۇلتتار مەملەكەت قۇراۋشى حالىق قازاقتارمەن ءتاتۋ-تاتتى عۇمىر كوشىپ كەلەدى. ولاردىڭ كەيبىرى قازاقتارعا ءسىڭىپ كەتتى دەسە دە بولادى. سوندىقتان وڭىردە ۇلتارالىق تاتۋلىققا قاتىستى ماسەلە جوق. جۇرتتىڭ ورتاق ىسكە جۇدىرىقتاي جۇمىلىپ، مەملەكەت مۇددەسى ءۇشىن بارىن سالىپ جۇمىس ىستەيدى.
شارا باراسىندا ءسوز سويلەگەن جەتىسۋ وبلىسى اكىمى اپپاراتىنىڭ ادەپ جونىندەگى ۋاكىلى عابيت تۇرىسىنباي ۇلى وسىدان 15 جىل بۇرىن وبلىس ورتالىعى تالدىقورعان قالاسىندا دوستىق ءۇيىنىڭ اشىلۋى ءوڭىر تۇرعىندارى ءۇشىن تاريحي وقيعا بولعانىن العا تارتتى.
– ءوز باسىم تالدىقورعان قالاسىندا دوستىق ءۇيىنىڭ اشىلۋى تاريحي وقيعا دەپ قابىلدايمىن. ويتكەن سول كەزدە جەتىسۋ جەرىن مەكەندەگەن وزگە ۇلت وكىلدەرىنىڭ 70-تەن استام مادەني ورتالىقتارى ءوز بەتىنشە جۇمىس ىستەدى. ءبىر ۇيلەرىندە وتىرىپ جۇمىس ىستەسە، ەندى ءبىرى كەڭسە جالداپ جۇمىس ىستەگەنىن بىلەمىن. ال دوستىق ءۇيى اشىلعاننان كەيىن ولاردىڭ ءبىر ورتالىققا كەلىپ، وزدەرىنىڭ مادەنيەتى مەن ءسالت-داستۇرىن دامىتىپ، وبلىسىمىزداعى ۇلاتارلىق تاتۋلىقتى ساقتاۋعا ءوز ۇلەستەرىن قوسۋعا مۇمكىندىك الدى. ءبىر سوزبەن ايتساق، دوستىق ءۇيى جەتىسۋ جەرىندەگى قوعامدىق كەلسىم مەن ۇلتارالىق تاتۋلىقتى ساقتاۋ ءىسىن جاڭا دەڭگەيگە كوتەردى دەپ نىق سەنىممەن ايتا الامىن. ويتكەنى كەزىنە ءوز باسىم وسى دوستىق ءۇيىن باسقارىپ، كوپتەگەن ءىس-شارالاردىڭ بەل ورتاسىندا ءجۇردىم، – دەدى دوستىق ءۇيىن كەزىندە باسقارعان اپتال ازامات.
دوستىق ءۇيىنىڭ 15 جىلدىق مەرەيتويىنا وراي ۇيىمداستىرىلعان كونفەرەنسيا بارىسىندا ۇلتتىق شارۋاشىلىق جانە ۇلتتىق كيىمدەر دەفيلە كورمەسى دە وتكەنىن ايتا كەتۋىمىز. كورمەنى تاماشالاعانىمىزدا جەتىسۋ وبلىسىنداعى ەتنومادەني بىرلەستىكتەردىڭ وكىلدەرى بۇل ىسكە بارىنشا دايىندالعانىن بايقادىق. كورمەگە قاتىسۋشىلار ءاربىر ۇلتتىق تۇرمىستىق ءومىرىن قولداناتىن زاتتار مەن ۇلتتىق كيىمدەرىن جۇرتشىلىق نازارىنا ۇسىنىپ، وزدەرىنىڭ مادەني قۇندىلىقتارىن بارىنشا ناسيحاتتاپ قالۋعا تىرىستى.
كونفەرەنسيا بارىسىندا ءسوز العان قازاقستان حالقى اسسامبلەياسىنىڭ بەلدى وكىلى، جەتىسۋ وبلىسى قوعامدىق كەلىسىم مەكەمەسىنىڭ جەتەكشىسى رۋفينا ۋسمانوۆا ەلىمىزدەگى ۇلتارالىق تاتۋلىقتى ساقتاۋعا قاتىستى كوكەيدە جۇرگەن ويىن ورتاعا سالدى.
– تاۋەلسىزدىك جىلدارى جەتىسۋ جەرىندەگى وزگە ۇلت وكىلدەرى ەلىمىزدەگى ۇلتارالىق تاتۋلىقتى ساقتاپ، دامىتۋعا ولشەۋسىز ەڭبەك ءسىڭىردى. ول كەزدە جەتىسۋ مەن الماتى وبلىسى بولىنبەي تۇرعانىن بىلەسىزدەر. قازاقستان حالقى اسسامبلەياسىن قۇرۋعا سول كەزدە جەتىسۋلىقتار ايرىقشا ىقپال ەتتى. جالىپ، جەتىسۋ جەرى قازاقستانداعى ۇلتارالىق تاتۋلىقتى ساقتاۋدىڭ التىن قازىعى دەسەك بولادى. ەلىمىز بويىنشا ەڭ العاشقى دوستىق ءۇيى جەرۇيىق مەكەن جەتىسۋدا بوي كوتەرۋىنەن كوپ جايتتى اڭعارۋعا بولادى. بۇگىن سول ءبىرىنشى بولىپ سالىنعان دوستىق ءۇيىنىڭ 15 جىلدىعىن اتاپ ءوتىپ جاتىرمىز. بۇل ءبىز ءۇشىن تاريحاي ءسات، – دەدى رۋفينا ۋسمانوۆا.
ايتسا ايتقانداي دوستىق پەن ۇلتارالىق تاتۋلىق جەتىسۋ جەرىندە تامىرىن تەرەڭگە جىبەرگەن باستى قۇندىلىق دەسەك بولادى. الداعى ۋاقىتتا وبلىستاعى ەتنومادەني بىرلەستىكتەر بۇل باعىتتاعى جۇمىستارىن ورىستەتىپ، دوستىق پەن ىنتىماقتى دارىپتەي بەرەتىن بولادى.
