Qańtar oqiǵasy kezinde adamdardy azaptaǵan burynǵy politsiia qyzmetkerleri sottaldy, - dep habarlaidy Dalanews.kz.
Taldyqorǵan soty Qańtar oqiǵasy kezinde adamdardy azaptaǵan burynǵy politsiia qyzmetkerlerine qatysty úkim shyǵardy.
Qylmystyq isti Jetisý oblysynyń arnaiy prokýrorlary tergep-tekserdi.
"Memlekettik aiyptaýshylar 2022 jylǵy 5-16 qańtar aralyǵynda Almaty oblysy politsiia departamentiniń ǵimaratynda kináli tulǵalarǵa qatysty fizikalyq zorlyq-zombylyqpen qatar, tergeýdiń tyiym salynǵan ádisterin jasaǵany dáleldendi. Zańsyz áreketterdiń saldarynan jeti jábirlenýshi jaraqat alǵan", - delingen habarlamada.
Sot úkimimen úsh sottalýshy 4 jyldan 6 jylǵa deiingi bas bostandyǵynan aiyrýdyń ártúrli merzimderine sottalyp, olardyń bireýi bas bostandyǵynan aiyrýǵa bailanysty emes jazaǵa tartyldy.
Sonymen qatar, sot olardy arnaiy ataqtarynan jáne memlekettik qyzmette jumys isteý quqyǵynan aiyryldy. Úkim zańdy kúshine engen joq.
