Keńes otyrysynyń kún tártibinde partıanyń aldaǵy 5 jylǵa qabyldaǵan Saılaýaldy baǵdarlamasy jol kartasynyń 15,16, 51,52, 46,47,48 tarmaqtary qaraldy. Almaty oblystyq bilim basqarmasy ókilderi A.Molotova men A.Úshkempirova 15-16 jáne 51-52 tarmaqtar boıynsha baıandama jasady.
2020-2021 oqý jylynda oblysta jalpy orta bilim beretin 760 mektep bar.Oqýshy sany – 429 141-di quraıdy. Bilim salasynda erekshe bilim berýdi qajet etetin balalarǵa áleýmettik jáne medısınalyq-pedagogıkalyq túzeý arqyly qoldaý kórsetý, oqytýmen qamtý maqsatynda 7 psıhologıalyq-medısınalyq-pedagogıkalyq konsýltasıalar, 19 psıhologıalyq-pedagogıkalyq túzetý kabınetteri, 7 arnaıy mektep-ınternattary jumys jasaıdy.
Almaty oblysy boıynsha erekshe bilim berýdi qajet etetin 0-18 jas aralyǵyndaǵy bala sany – 14579, onyń ishinde 7133-i oqytýmen qamtylǵan. Bilim bólimderiniń resmı saıttarynan «Ata-ana úshin», «Kámeletke tolmaǵandarǵa», «Zańnama», «İs-sharalar»,«Baılanystar» aqparattyq bólimder ashylǵan.
Almaty oblystyq polısıa departamenti Jergilikti polısıa qyzmeti basqarmasy bastyǵynyń orynbasary, polısıa podpolkovnıgi Q.Muhmetov 47-48 tarmaqtar boıynsha baıandama jasady.
Oblys boıynsha búgingi tańda byltyrǵy jylmen salystyrǵanda jasóspirimder arasyndaǵy qylmys 30%-ǵa azaıǵan. Alaıda, jasóspirimder arasynda sýısıd máselesiniń órship turǵandyǵyn atap ótti. Jyl basynan 12 men 17 jas aralyǵyndaǵy balalar arasynda 11 fakti anyqtalǵan. Búgingi tańda departament tarapynan «Qatygezdiksiz jáne zorlyq-zombylyqsyz balalyq shaq» atty aksıa uıymdastyryp, 8 myńnan astam jadynama taratylǵan.
Sonymen qatar oblystyq partıa fılıaly janynan qurylǵan monıtorıń tobynyń 41 nysandy aralaý barysynda jasaǵan anyqtamalary oqyldy.
Keńesti qorytyndylaı kele, keńeske qatysýshylar tarapynan birqatar usynystar aıtylyp, qaýlyǵa tolyqtyrýlar engizildi.
