Taldyqorǵanda «Aviv» evrei mádeni-qaiyrymdylyq ortalyǵy Qarttar kúni aiasynda forým ótkizdi
Halyqaralyq qarttar kúni – aǵa urpaq úshin erekshe kún. Mereke BUU bastamasymen 1990 jyldyń jeltoqsanynan bastap toilanyp keledi. Úlkendi syilaý, olarǵa qurmet kórsetý – ata-babadan kele jatqan saltymyz. Olardyń ómirlik tájiribeleri, aqyl-keńesteri, tálim-taǵylymdarynyń jastar úshin orny bólek. Sebebi, olardyń árqaisysynyń oblysymyzdyń ósip-órkendeýine qosqan úlesteri zor.
Is-sharanyń basty maqsaty – qarttarymyzǵa qurmet kórsetý, olardyń memlekettiń damý jolynda qosqan úlesin, jas urpaqqa úlgi retinde nasihattaý.
Saltanatty sharaǵa EMB-diń aqsaqaldar keńesinen, basqa da salada qyzmet etken aǵa býyn ókilderinen barlyǵy 30 adam qatysty.
Talai jasty tárbielep, búgingi tańda eńbekteriniń zeinetin kórip otyrǵan ulaǵatty qarttarǵa oblystyq Assambleia men «Dostyq úi – Qoǵamdyq kelisim ortalyǵy» qaiyrymdylyq dastarhan jaiyp, merekelik kontserttik baǵdarlama daiyndady.
Qarttarǵa arnap, Dostyq úiiniń ujymy men etnomádeni birlestikter merekelik kontsert uiymdastyrdy. Sońynda qarttarǵa syilyqtar tabystaldy.
