تالدىقورعاندا «اۆيۆ» ەۆرەي مەدەني-قايىرىمدىلىق ورتالىعى قارتتار كٷنٸ اياسىندا فورۋم ٶتكٸزدٸ
حالىقارالىق قارتتار كٷنٸ – اعا ۇرپاق ٷشٸن ەرەكشە كٷن. مەرەكە بۇۇ باستاماسىمەن 1990 جىلدىڭ جەلتوقسانىنان باستاپ تويلانىپ كەلەدٸ. ٷلكەندٸ سىيلاۋ, ولارعا قۇرمەت كٶرسەتۋ – اتا-بابادان كەلە جاتقان سالتىمىز. ولاردىڭ ٶمٸرلٸك تەجٸريبەلەرٸ, اقىل-كەڭەستەرٸ, تەلٸم-تاعىلىمدارىنىڭ جاستار ٷشٸن ورنى بٶلەك. سەبەبٸ, ولاردىڭ ەرقايسىسىنىڭ وبلىسىمىزدىڭ ٶسٸپ-ٶركەندەۋٸنە قوسقان ٷلەستەرٸ زور.
ٸس-شارانىڭ باستى ماقساتى – قارتتارىمىزعا قۇرمەت كٶرسەتۋ, ولاردىڭ مەملەكەتتٸڭ دامۋ جولىندا قوسقان ٷلەسٸن, جاس ۇرپاققا ٷلگٸ رەتٸندە ناسيحاتتاۋ.
سالتاناتتى شاراعا ەمب-دٸڭ اقساقالدار كەڭەسٸنەن, باسقا دا سالادا قىزمەت ەتكەن اعا بۋىن ٶكٸلدەرٸنەن بارلىعى 30 ادام قاتىستى.
تالاي جاستى تەربيەلەپ, بٷگٸنگٸ تاڭدا ەڭبەكتەرٸنٸڭ زەينەتٸن كٶرٸپ وتىرعان ۇلاعاتتى قارتتارعا وبلىستىق اسسامبلەيا مەن «دوستىق ٷي – قوعامدىق كەلٸسٸم ورتالىعى» قايىرىمدىلىق داستارحان جايىپ, مەرەكەلٸك كونتسەرتتٸك باعدارلاما دايىندادى.
قارتتارعا ارناپ, دوستىق ٷيٸنٸڭ ۇجىمى مەن ەتنومەدەني بٸرلەستٸكتەر مەرەكەلٸك كونتسەرت ۇيىمداستىردى. سوڭىندا قارتتارعا سىيلىقتار تابىستالدى.
