Dúnıege kelgenderine búgin týra 1 aı bolǵan sábıler – Alıma, Alısha, Almırany quttyqtaýǵa oblys ákiminiń orynbasary Aqan Ábdýálıev kelip, Baýberikovtar áýletineoblys ákimi Amandyq Batalovtyń sálemin jetkizdi. Sábılerdiń ákesi Dáýrenniń qolyna Taldyqorǵandaǵy kotejdi qalashyqtan 3 bólmeli úıdiń kiltin tabystap, nárestelerge arnalǵan qol arba, oıynshyqsıaqty syı-sıapattaryn qosa usyndy.
– Úshemniń dúnıege kelýi – úlken qýanysh. Ár balanyń óz rızyǵy bar. Búgingi kúni Tuńǵysh Prezıdentimiz Nursultan Ábishuly Nazarbaevtyń kemel saıasatynyń arqasynda áleýmettik máselelerge jete kóńil bólinip, halyqtyń ósimi artyp keledi. Úshemniń ómirge kelýi Taldyqorǵanda osydan 11 jyl buryn bolǵan eken. Endi, mine, bıylǵy jyly osyndaı zor qýanyshqa kenelip otyrmyz. Sondyqtan bul úlken oqıǵany eleýsiz qaldyrmaı, oblys ákimi Amandyq Batalov úsh sábıdiń ata-anasyna turǵyn úı kiltin ákelip tapsyrýdy maǵan júktedi. Balalar úlken azamat bolyp ósip, qýanyshtaryńyz uzaǵynan – dep tilegin bildirdi oblys ákiminiń orynbasary Aqan Ábdýálıev.
Qýanyshqa ortaqtasyp kelgenderge rızashylyǵyn bildirgen sábılerdiń ájesi Raıa Esmuratqyzy dárigerlerdiń atyna da jyly lebizin jetkizdi.
- Úshemge júkti ekenibelgili bolǵannan bastap Eńlik perınataldyq ortalyqtyń dırektory Qanat Jumashev bastaǵan bilikti dárigerlerdiń erekshe baqylaýyna alynyp, kútim jasaldy. Almatyǵa da, basqa úlken qalalarǵa da moıyn burmaı, óz mamandarymyzǵa senim arttyq. Shaǵyn qala Taldyqorǵannyń medısınasynda da myqty kadrlar toptasqanyna kózimiz jetip, Alla shúkir, búgin osyndaı qýanyshty kúnge kýá bolyp otyrmyz. Áleýmettik salanyń damýyna jaǵdaı jasaǵan el basshylaryna, oblys jetekshilerine shyn júrekten rızashylyǵymdy bildiremin. Bizdiń jolymyzdy keıingi jastarǵa berip, ósip-óne bersin, - dedi Raıa áje.
Osy sátte oblys ákimi Amandyq Batalov Dáýrenmen, Eńlikpen telefon arqyly sóılesip, izgi tilegin jetkizip, jaqsylyq tiledi.
Alıma, Alısha, Almıra - Dáýren Serikuly men Eńlik Qaısarovanyń otbasynyń tuńǵyshtary. Dáýren shaǵyn kásippen aınalyssa, Eńlik - qaladaǵy № 12 mektepte muǵalim. Olar bolashaqta qyzdary dáriger bolsa dep armandaıdy. Jáne osymen toqtap qalmaı, aldaǵy ýaqytta taǵy da balaly bolýdy qalaıtyndaryn aıtty.
Perınataldyq ortalyq mamandarynyń aıtýynsha, sábılerdiń de, anasynyń densaýlyǵynyń jaqsy. «Nárseteler 2.300, 2.100jáne 1.750 kg salmaqpen dúnıege kelgen. qazir jaǵdaılary jaqsy, damýy qalypty», - deıdi dárigerler.
Úshemge berilgen úsh bólmeli turǵyn úı Taldyqorǵandaǵy jańadan salynǵan kotejdi qalashyqtan kilti tapsyrylǵan eń alǵashqy úı ekenin atap ótýge bolady.
Almaty oblysy ákiminiń baspasóz qyzmeti
