Taldyqorǵan politsiia basqarmasynyń burynǵy bastyǵy zorlyq deregi úshin sottaldy, - dep habarlaidy Dalanews.kz.
Jetisý oblysynyń Taldyqorǵan qalalyq sotynda Kúshtibaevqa qatysty qyzmettik mindetterin oryndaý kezinde jábirlenýshige zorlyq-zombylyq jasaǵany úshin aiyptaý boiynsha qylmystyq is qaraldy (QK 120-babynyń 2-bóligi 5-tarmaǵy).
Taǵylǵan aiyptarǵa sáikes 2023 jylǵy 12 qarashada K. Taldyqorǵan qalasy politsiia basqarmasynyń bastyǵy bola tura, politsiia basqarmasynyń ǵimaratynda, atap aitqanda óziniń qyzmettik kabinetinde zorlaý, iaǵni qyzmettik mindetterin oryndaý kezinde jábirlenýshige zorlyq-zombylyq qoldaný arqyly jynystyq qatynas jasaǵan.
Osy baptyń sanktsiiasy 9 jyldan 12 jylǵa deiingi merzimge bas bostandyǵynan aiyrý túrindegi jazany kózdeidi.
Sot úkimimen K. QK-nyń 120-baby 2-tarmaǵynyń 5) tarmaqshasy boiynsha kináli dep tanyldy jáne oǵan 10 jyl merzimge memlekettik qyzmette qyzmet atqarý quqyǵynan aiyra otyryp, 11 jyl merzimge bas bostandyǵynan aiyrý túrindegi jaza taǵaiyndaldy.
QK-nyń 49-babynyń 1-bóligine sáikes K. «politsiia polkovnigi» arnaiy ataǵynan aiyryldy.
Úkim zańdy kúshine engen joq.
