Ákim Asqar Týtýbaevtyń aty buǵan deiin de baspasózde jii atalǵan bolatyn. Onyń Qytaidan kelgen etnikalyq qazaq Qonai Masiphandy aqshamyzdy alyp, qaitarmai júr dep inisi arqyly sotqa bergeni habarlanǵan. Kásipker bolsa inisi Baqytbek Týtýbaev tergeý izoliatorynda uryp, qorqytyp qolhat jazdyryp alǵandyǵyn aitady. Sondai-aq, Týtýbaevtar ózin túrmege otyrǵyzamyz dep qoqan-loqy jasap, únemi qysymǵa alatyndyǵyn, eki jyl boiy pasportsyz Almatyda júrgenin aitqan bolatyn. Bul is qazir burynǵy teregý kezindegi zańsyzdyqtarǵa bailanysty Ile aýdandyq politsiiasyna qaitalai tergeýge jiberilgen. Qonai Masiphan men Týtýbaevtar arasyndaǵy sotty Memlekettik qyzmet isteri jáne jemqorlyqqa qarsy is-qimyl agenttiginiń tóraǵasy Qairat Qojamjarovtyń óz nazaryna alatyny belgili bolǵan edi. Endi myna daý shyqty...
Bul týraly biznesmen áleýmettik jelidegi paraqshasynda jazdy. Aita ketelik, Sadyrbaev burynyraqta qala ákiminiń keńesshisi bolǵan.
[caption id="attachment_268270" align="aligncenter" width="327"]
Sadyrbaevtyń sózine qaraǵanda sýbsidiialaýǵa qajetti qujattardy toltyrarda qate jiberip, qaita toltyrýǵa májbúr bolǵan. Al qate toltyrylǵan qujatqa qol qoiǵan Týtýbaev qujatqa ekinshi qaitara qol qoiýdan bas tartqan. "Qujattardy bir qarap shyǵýym kerek" depti ol.
Sadyrbaevtyń aitýynsha, osynyń kesirinen birneshe saǵat boiy ákimniń qol qoiýyn kútip, kabinetin kúzetip otyrýyna týra kelgen.
"Shynymdy aitaiyn, tózimim taýsylyp ketti. "Siz úshin qansha ýaqytymdy joǵalttym. Bosaǵańyzda telmirip otyrǵanyma jarty kún boldy. Munyńyz ne?" dedim. Jarylýǵa shaq qalǵan edim. Týtýbaev ta qarap qalǵan joq. Sózben ustasa ketti. Jaǵamnan aldy...Esimde qalǵany Týtýbaevtyń jumys kabinetinde kómekshileri qolymdy qaiyryp ustap turdy. Sonysymen shektelse birsári. Týtýbaev judyryq jumsady. Qanym basyma shapty. Kómekshilerin iterip tastadym, ózine qarsy júrdim. Esemdi qaitardym. Kómekshiler qaitadan bas salyp, qolymdy qaiyryp saldy. Qol-aiaǵy bailanǵan meni Týtýbaev taǵy da urdy. Áiteýir, áreń degende bosap shyqtym", – deidi kásipker.
Al Týtýbaevtyń aitýynsha, daý múlde basqasha órbigen. Sadyrbaev onyń qol qoiýyn surap kúnniń alǵashqy jartysynda kelgen.
– Maǵan kórsetken alǵashqy qujatta aýyl sharýashylyǵyna jaýap beretin áriptesim Nurlan Mámbetjanovtyń qoly bolǵan. Ekinshi qujatta bolǵan joq. Iá, qujatty qaldyryp ketýin aitqanym ras. Sebebi, alǵashqy qujatta qate bolǵandyqtan, keiingisin muqiiat qarap shyqpaq boldym. Sýbsidiia az emes. 7 million teńge, – deidi Týtýbaev.
Qala ákiminiń mindetin atqarýshy sonymen qatar tóbelesti Sadyrbaevtyń ózi bastaǵanyn aitty.
[caption id="attachment_268271" align="aligncenter" width="313"]
"Tumsyǵymdy buzbaq boldy. Der kezinde burylyp úlgerdim. Artynsha ákimdiktegi qyzmetkerler ajyratyp jiberdi bizdi. Sonda da qoiǵan joq. Tóbeles shyǵarǵysy keldi. Eń aqyry qyzmetkerler jumylyp Sadyrbaevty kabinetimnen shyǵaryp jiberdi. Bárin qoishy, osynyń kesirinen kóilegim jyrtyldy. Bolǵan jaidy birden politsiiaǵa habarladyq" deidi Týtýbaev.
Ákimdiktegilerdiń aitýynsha, Almasbek Sadyrbaev keńesshi qyzmetinen biylǵy jyldyń 10 sáýirinde qýylǵan. Qazir osy iske bailanysty tergeý jumystary bastaldy. Budan syrt bul isti Memlekettik qyzmet jáne jemqorlyqqa qarsy agenttiginiń Almaty oblystyq departamenti de nazaryna aldy.
Taqyrypqa qatysty maqalalar:
https://dalanews.kz/24470
https://dalanews.kz/24628
