Jetibaı aýylyndaǵy sport mektebiniń jattyqtyrýshysy Fýrkat Qalmuratov úzdik sportshylardy daıyndady shyǵardy. Bul týraly Qaraqıa aýdandyq mádenıet, dene shynyqtyrý jáne sport bóliminiń basshysy Dúısenbaı Ataǵaraev málim etti, – dep habarlaıdy Dalanews.kz Qaraqıa aýdany ákimdiginiń baspasóz qyzmetine silteme jasap.

Aýdandyq bólim basshysynyń aıtýynsha 2 sport sheberin jáne 9 sport sheberine úmitkerkerlerdi daıyndaǵan Fýrkat Qalmuratov qara tústi belbeý ıesi. Budan bólek onyń birneshe shákirti respýblıkalyq jáne halyqaralyq jarystarda aldyńǵy qatardan kórinip keledi.

– Úmit artqan ár shákirttim bıik shyńǵa jetse únemi qoldap, qýanyp otyramyn. Máselen, «Taekvon-do WTF» sportynan, «Kazakhstan Open», «Turkish Open», «Don Cup», «Fujiaran Open», «1st Asian taekwondo Open» syndy reıtıńtik jarystarda oryn alǵan júlegerler sportshylarym bar. Olar, Shahnoz Ismetýllaeva, Kamıla Rasýlqyzy jáne Nurǵısa Amangeldiuly. Qazirgi ýaqytta alda ótetin úlken dodalarǵa daıyndyq ústindemiz, – deıdi Fýrkat Qalmuratov.

Óńir namysyn qorǵap, baıraqty básekelerde top jarǵan jetibaılyq sportshylar óz tilekterin de jetkizdi.

–  Talanttyń bári aýyldan shyǵatyny belgili. Shalǵaı aýyldarda osyndaı sport mektebi ashylǵanyna óte qýanyshtymyz jáne únemi rahmet aıtyp júremiz. Bolashaqta Qazaqstan atyn álemge tanytyp, bıik belesterdi baǵyndyratynymyzǵa senimdi túrde aıta alamyz, – dedi sport sheberleri.