Biyldan bastap Qazaqstannyń taǵy bir óńirinde munai izdeý jumystary josparlanyp otyr. Bul týraly Ónerkásip jáne qurylys ministrligi Geologiia komiteti tóraǵasynyń mindetin atqarýshy Qanat Erýbaev málimdedi, dep habarlaidy Dalanews.kz.
«Qostanai oblysynyń Jangeldin aýdanynda munai tabyldy degen áńgimeler boldy. Ony óndirýge áli erte me?» - degen suraq qoiyldy OKQ-de ótken brifingte komitet basshysynyń mindetin atqarýshyǵa.
Qanat Erýbaevtyń aitýynsha, munai tabý úshin aldymen «perspektivaly tuzaqtardy» anyqtaý qajet.
«Bul – kúrdeli jumys, biraq ony júrgizý kerek. Soltústik Torǵai shógindi basseini óte úlken. Bul aýmaqta soltústiktegi kórshi elde munai men gaz óndiriledi. Bizde de osyndai nysandardy anyqtaýǵa barlyq alǵysharttar bar. Sondyqtan Qostanai oblysynyń aýmaǵynda seismikalyq barlaý jumystaryn josparlap otyrmyz», - dedi ol.
Komitet tóraǵasynyń mindetin atqarýshynyń sózinshe, jumystardy 2026 jyly bastaý, al úsh jyl ishinde tolyq aiaqtaý kózdelip otyr.
Aita keteiik, Qazaqstanda munai negizinen eldiń batys óńirlerinde óndiriledi. Bul aimaqtarda iri ken oryndary men negizgi infraqurylym shoǵyrlanǵan. Munai óndiretin basty óńirler - Atyraý, Mańǵystaý, Batys Qazaqstan jáne Aqtóbe oblystary. Al Qyzylorda oblysynda munai óndirý kólemi salystyrmaly túrde az.
