«Ókinishke qarai, az qamtylǵan otbasylar, joǵaryda keltirgendei, memlekettik qoldaý sharalarymen qamtyla bermeidi. Osy oraida «Samuryq-Qazyna» qorynyń qyzmeti, keide barshamyz oilap qalatyndai, iri qalalar men óńirlerdi qoldaýmen ǵana shektelmeitini qýantady.
«Tabysty otbasy» jobasy negizinen aýylda turatyn, tabysy tómen otbasylarǵa baǵyttalǵan jáne bul Memleket basshysynyń tapsyrmalaryna tolyq sáikes keledi. Jobanyń qarapaiym sipaty qoldaý sharalarynan tys qalǵan halyq toptaryn qamtýdyń kepili bolady», - dep tanystyrdy jobanyń ambassadory Aijani Nurlanova.
Joba ókiliniń aitýynsha, tyń jobany bes óńirde bastaý alady, onyń úsheýi jańadan qurylǵan oblystar - Ulytaý, Abai jáne Jetisý.
«Kóbinese nazarymyzdaǵy halyq sanaty oqýdan ótkennen keiin óz isin bastap ketip jatpaidy. Óitkeni naqty jabdyqtar, qajetti quraldar joq. Sondyqtan «Tabysty otbasy» aiasynda qatysýshylardy tolyq súiemeldeý, tájiribelik treningter, sheberlik synyptary qarastyrylǵan. Bul rette ár qatysýshyǵa jeke kózqaras tanytylyp, qajetti qural-jabdyq alý múmkindigi qamtamasyz etiledi», - dep atap ótti ol.
«Tabysty otbasy» jobasy kelesidei quramdas bólikterden turady: tálimgermen jeke keńester men shaǵyn toptardaǵy jumys, beiindik oqytý, jeke ósý jáne biznes-daǵdylardy damytý boiynsha treningter, oqý aiaqtalǵannan keiin tálimgerdiń súiemeldeýi jáne qoldaýy. Bul azamattar úshin óz isin senimdi bastaýǵa, kásipkerliktiń negizderin sapaly zerdeleýge jáne turaqty tabys kózderin alýǵa biregei múmkindik.
Jobany iske asyrýdyń barlyq kezeńi BAQ betinde jáne tabysty.otbasy instagram paraqshasynda jariialanady.
